Năm kan mhe nơh, Đảng bộ công an n’gor Đăk Lăk lĕ mô rlu rgâl mhe nuĭh leo kan, ntĭm đă, ƀư tĭng dơi geh n’hanh rlău nău mpŏng kan, nău kan ngluh mbơh. Bâh nĕ, mât đăp mpăn ueh nău rnă njrăng, đăp mpăn ta ntŭk rêh jêng ta lam n’gor. Công an n’gor Đăk Lăk lĕ geh ƀư tĭng săk rnglăy bôk nău kan mbrô 06 rdâk njêng nău kan rnoh mbrô ngih dak mpeh ntŭk ƀon lan gŭ, pă căn cước công dân ntrŭp chip geh săk rnglăy, hăn lor bôk năp tât râng mbơh tơih bôk nău kan jut jăng ngih truh sat- ngih rông mpông sat, lĕ rngôch ntŭk kan đảng geh tâm di kloh ueh, nâp dăng. Thiếu tướng Phan Thanh Tám, Bí thư Đảng ủy, Giám đốc công an n’gor Đăk Lăk an gĭt, lôch đại hội, lam ntŭk kan mbra geh rgum dâl ăp nău kan tơm khlăy gay ma ƀư geh săk rnglăy nghị quyết Đại hội ngluh mbơh. geh mât tay nău đăp mpăn rnă njrăng, đăp mpăn tâm ăp nău tât, rdâk njêng mpôl kan công an n’gor Đăk Lăk kloh ueh, nâp dăng lĕ rngôch, ueh mhe, dăch ƀon lan, ryơk đah ƀon lan.