Kêng măng 10/7, ta Ngih Quốc hội, Kruanh Quốc hội Trần Thanh Mẫn lĕ wơt Groi Kruanh Hội đồng Đại biểu Địa phương Indonesia Yorrys Raweyai. Ta nar wơt, Kruanh Quốc hội Trần Thanh Mẫn đă ntrôl dăng tâm rgâl mpôl kan, mâp gưl prêh n’hanh ăp gưl; n’hao kan ndrel, tâm nđŭr, tâm pă nău blău ơm đah 2 ngih pah kan lập pháp 2 dak, ngăn lah đah ăp Ủy ban way kan bah Quốc hội, ăp rmôt nghị sĩ hữu nghị, ăp bu ur nghị sỹ n’hanh nghị sỹ mom, mô knŭng ăp nău pháp luật, trong rđău kan, ma hôm đah ăp nău geh tĭng lam ntŭr neh kơt rgâl mrô, hao jêng uĕh kloh, rdâng đah rgâl trôk nar.

2 ding tâm ban ŭch n’hao tay kan ndrel, nâp nâl tâm rnglăp n’hanh ƀư ta n’gul bah ASEAN, ngăn lah tâm ăp nău nkual; tâm rgop n’hanh tâm kơl ndrel ta ăp rrƀŭn nchră nkual n’hanh lam ntŭr neh, ngăn lah ASEAN, Liên hợp quốc, Ntrong leo mô boăt nthoi; ăp rƀŭn nchră Nghị viện phương kơt Hội đồng ăp nghị viện ăp dak ASEAN (AIPA), Liên minh Nghị viện lam ntŭr neh (IPU), Rƀŭn nchră Nghị viện Châu Á-Thái Bình Dương (APPF).