Aƀaơ n’gor Lâm Đồng geh 2 nău nchrăp ƀư trong ndeh khlay yor N’gâng kan Xây dựng ƀư tơm ntuh kơl, geh: Nău nchrăp ƀư nkra tay, n’hao uĕh gưl trong rlău yôk Mimosa ndrel du đêt ndơ ƀư ta Quốc lộ 20 n’hanh Nău nchrăp ƀư nkra tay, n’hao uĕh Quốc lộ 28B.

Ăp nău nchrăp ƀư aơ geh dĭng lĕ ntuh kơl rlău 1.870 rmen prăk. Aƀaơ lĕ 2 nău nchrăp ƀư mbrơi da dê yor wăk kol mpeh trok neh, sŏk neh. Gay ăp nău nchrăp ƀư jêh ta dŭt năm aơ, UBND n’gor Lâm Đồng lĕ ntĭm rđău ăp ntŭk, ntŭk kan geh tât dŭt n’hâm tâm rgop dôh rklaih jêr jŏt, ntrôl ngăch ndâk ƀư. Ăp nău nchrăp ƀư ơm jêh geh nkô̆ nău dŭt khlay kơl hao dơi boăt nthoi trong hăn đah ăp nkual wăng sa bah n’gor Lâm Đồng n’hanh ntrôl boăt nthoi bah nkual.