Ta nkual ƀon têh Buôn Ma Thuột, n’gor Dak Lak mhe ƀư Lễ wơt dơn Huân chương Lao động hạng Nhất tă bah Chính phủ Lào ntăm an. Ta rơh lễ,  ntơh măt Chính phủ Lào, wa Lếc-lảy Sỉ-vị-lay – Ủy viên Trung ương Đảng, Bí thư, Kruanh n’gor Sê Kông hŏ ntăm an Huân chương Lao động hạng Nhất gay nchih nkah ăp nău rgop uĕh bah n’gor Dak Lak tâm nău bun dăp tâm boh tâm rnglăp mha êng đah bar dak.

Nkhêp geh rnôk dja, UBND n’gor Dak Lak n’hanh n’gâng kan n’gor Sê Kông ndrel ký ton siƀŭt nchih nkah tâm boh lvang năm 2025 - 2030. Bí thư Tỉnh ủy Dak Lak Nguyễn Đình Trung mpơl nău n’hao êng săk, lah uĕh Chính phủ n’hanh ƀon lan Lào, nkre ton rdâk nâp tay, hun hao tâm boh nsĭt geh nău dơi tam, nâp dăng. Kruanh rđău kan n’gor đă ăp nhih pah kan geh tât ƀư jêng ngăn ngăn ăp nkô̆ tâm boh, n’hao âk tơ̆ tâm nđŭr ƀon lan n’hanh ntik n’hao nău khlay kan leo ƀư, doanh nghiệp bar ding.