Tâm rnôk hăn râng rƀŭn ăp năm ăp nŭih leo trong lor tal 16 bah Nau tâm nchră văng sa lam ntur neh (WEF) ƀư ta Thiên Tân ndrel pah kan ta Trung Quốc kêng măng 24/6 ta Thiên Tân, Trung Quốc. Thủ tướng Chính phủ Phạm Minh Chính tâm nchră ma Thủ tướng Trung Quốc Lý Cường. Tâm nar tâm nchră, Thủ tướng Chính phủ lah rjăp, Việt Nam uănh khlay nau hun hao tâm boh ma Trung Quốc lah nau đă ueh, lah nau săch êng, nau kan ndrel kơl an bôk năp tâm nau tâm nchră ma dak ba dih; rnơm Trung Quốc mra lŏ hun hao, ƀư ueh nau dơi khlay tâm ăp nau kan hun hao, rnă njrăng ndrel đăp mpăn lam ntur neh.

Bar Thủ tướng hăn jru tâm nau rgop sŏng mpeh nau kan tâm dak lêng, tâm ban ndrel nkân ndrel rklaih ueh nau tâm rkeh, mât nau đăp mpăn, nâp nâl nsum. Thủ tướng Phạm Minh Chính đă 2 ding ƀư rjăp nau kan nsum gưl prêh, “Nchrăp mpeh nau kan rđau rklaih tâm dak lêng Việt-Trung”; ndrel ASEAN nsôih ơm geh dơi COC tam, ngăn, tâm di ma luật pháp lam ntur neh ndrel UNCLOS 1982 tĭng nau nchră bah ăp ding./.