
Ôi (24/6), HĐND n’gor Lâm Đồng khóa X ƀư rơh hop n’glĕ dŭt bah trong leo ƀư HĐND 3 gưl. Rơh hop hŏ uănh an dŏng âk nghị quyết khlay lor rnôk n’glăp nsum đah 2 n’gor Bình Thuận, Dak Nông jêng n’gor Lâm Đồng mhe.

Rơh hop n’gluh an dŏng 6 nghị quyết khlay, tâm nê geh 3 nghị quyết geh tât trong nchrăp ntuh kơl, 1 nghị quyết rlu trong nchrăp ntuh kơl, 1 nghị quyết geh tât sŏk dŏng prăk ngân sách n’hanh 1 nghị quyết mpeh kơi ntop rnoh âk ton nuĭh kan way kan tâm trong ntĭm nti. Lah n’glôch jêh rơh hop, Kruanh HĐND n’gor Lâm Đồng Phạm Thị Phúc an lah, ăp nkô̆ dơi mĭn uănh, n’glêh an ta rơh hop geh nkô̆ khlay ngăn ngăn, nkre đăp mpăn nău tâm di, nkre njêng jâng nsing an rơh ndơ̆ rgâl, hăn tât tĭng ƀư n’glăp n’gor, dăp rgum nhih pah kan gưl xã n’hanh ƀư n’gâng kan 2 gưl.
Viết bình luận