Gŭ ta njăr trong pâl nđaih Phan Thiết – Mũi Né – Bàu Trắng – Cổ Thạch, tháp Pô Sah Inư ta yôk Bà Nài (phường Phú Thủy, n’gor Lâm Đồng – mpeh n’gor Bình Thuận ơm) dôl wăch rgum âk mpưm năch pâl nđaih tâm khay rlu nti. Rĭng ăp nar ntŭk dja wơt ntơm bah 900–1.200 tơ̆ năch tâm n’hanh bah dih dak.

Ntơm bah bôk năm tât aƀaơ, hŏ geh bơi 75.000 tơ̆ nuĭh tât uănh pâl tháp Pô Sah Inư, n’gor Lâm Đồng. Gay n’hao nău dơi rlong saơ, Ban mât njrăng ntŭk têl ơm yău ntlơi an tay kan nsum đah Rmôt njroh mprơ ƀon lan Chăm nchreng an uănh nău njroh, mprơ way ơm rhŏ dŏng an năch pâl nđaih. Nău tâm lăp rlai nsum đah ntŭk nđik aih, jay ơm yău n’hanh nău njroh mprơ way ơm ƀon lan hŏ njêng nău wăch rgum mha êng. Êng tâm khay 6, nkual Bình Thuận ơm wơt rlău 1 rkeh tơ̆ năch. Lĕ rngôch 6 khay bôk năm 2025, nkual dja wơt rlău 5,5 rkeh tơ̆ năch, hao bơi 20% rđĭl đah ndrel khay dja năm ne nơh, nsĭt geh pâl nđaih rlău 15.000 rmen prăk.