Ôi 14/7, ta xã Nghĩa Trụ, n’gor Hưng Yên, Tổng Bí thư Tô Lâm hŏ râng n’hanh lah ta rnôk rđău đă ta Đại hội đại biểu lor bôk năp Đảng bộ xã. Tổng Bí thư rnê âk pah kan nchrăp răp jăp, nău mbơh chính trị gay mpơl nău mĭn rgâl mhe, nău ŭch năm kan tât lam lĕ rngôch.

Păng dăn đă xã mât đăp mpăn tay chính trị, đăp mpăn rnă njrăng- rĭng grep, ntik n’hao nău khlay kan ntĭt leo lor bah đảng viên, ntrŭt ntrôl ƀon lan râng rdâk njêng nău rêh kloh rvah. Xã ân ntrôl dăng rgâl blău mhe, n’hao săk geh nău rêh, mât chăm dak si, ntĭm nti, n’hŭch ach o jŏ jong, mô an plơ̆ tay ach o. Tổng Bí thư lah rjăp nău đă rgâl dơh glêh siƀŭt, rdâk njêng Đảng bộ kloh uĕh lam  lĕ rngôch, n’hao săk tam sinh hoạt chi bộ, hun hao đảng viên mhe, tŏng đah nău ŭch geh hun hao tâm rơh mhe.