Âk wăk kol geh tât tu tơm neh nông lâm nghiệp, nău mât tâm ton rwăt tăch điện đah ăp ngih măy thủy điện jêt m’hâm ƀư ăp nău dơi nuĭh ƀon lan doanh nhân nkual ƀon têh Buôn Ma Thuột, n’gor Dak Lak dăn đă đah Mpôl đại biểu Quốc hội n’gor Dak Lak ta rơh mâp nuĭh ƀon lan bah năp rơh rƀŭn tal 7, QH khóa 15 ôi 23/4. Âk ăp nău rgop an lah nău Quốc hội nkra ntop tay du đêt luâttj tâm năm bah năp lĕ rgop nta nău dơh an ăp doanh nghiệp hun hao.

Yơn lah tâm rnôk ƀư tĭng, hôm e du đêt wăk kol kơt: doanh nghiệp ŭch ntuh kơl an geh trong dŏng neh tĭng dăp rgum, yơn tât aƀaơ dŭt âk neh ta Tây Nguyen geh tu tơm neh bah nông lâm trường mô geh thông tư ntĭm mpeh rnoh khlay an ăp nuĭh ntuh kơl, nuĭh mbơh ntĭm ƀư trong dŏng neh. Ta nar mâp, nuĭh ƀon lan dăn đă âk nău geh tât hun hao wăng sa rêh jêng bah Dak Lak lah êng n’hanh lam dak lah nsum kơt trong nchrăp hun hao ăp trong cao tốc, dăp rgum hun hao nău kan mât sĭm lung lang, tâm rgop rgâl đah công ty nông lâm trường.