Druh ndăm lah nŭih ƀư nau kan khlay, rgop nau ndâk du ASEAN đăp mpăn, nâp nâl ngăn ngên. Aơ lah nau lah nsum geh mbơh tâm rnôk tâm nchră đah Tổng thư kí ASEAN Kao Kim Hourn đah druh ndăm ASEAN, geh ƀư tâm kêng măng naơ ta Hà Nội. Tâm nchră đah Tổng thư ký ASEAN ndrel druh ndăm lah nau kan khlay tâm rnôk tâm nchră nau geh dơi bah ASEAN 2024, lah nau mpơl ân saơ nau ton bah ASEAN tâm nau nkoch ăp nau ŭch dơih ân rơh mom, leo tât nau ntrơn rgâl ueh ngăn ân nau rêh mhe, rgop nau ndâk du ASEAN nthoi ndrel nâp nâl.

Rơh rlau aơ, Chính phủ ăp neh dak, tâm nê geh Việt Nam mô rlu ntuh kơl rjăp dăng ân druh ndăm, pơk trong nơih gay ăp băl mom lŏ geh dŏng nau kan ntĭm nti ăp ntil, n’hao nau mĭn, nau blau ndrel săk jăn, n’hao nau geh kan pah. Tâm rnôk tâm nchră, ntoh măt druh ndăm ăp dak ASEAN geh nau dơi tâm nkoch mpeh nau ŭch, ndŏ luh ăp nau ôp ndrel ndơn nau jă mbơh nkoch nau tă bah Tổng thư kí Kim Hourn./.