Lơ 29/5, wa Nguyễn Xuân Thắng, Giám đốc Học viện Chính trị quốc gia Hồ Chí Minh lĕ pah kan đah Ban Thường vụ N’gor ủy Bình Định n’hanh Gia Lai mpeh nău nglăp nsum ntŭk kan hành chính gưl n’gor. Khay bah năp, 2 n’gor Gia Lai n’hanh Bình Định lĕ tâm rgop rjăp, đăp mpăn ngăch n’hanh tâm ban ŭch nău tĭng tâm pă cán bộ kruanh, mât uănh ta ăp n’gâng kan, ban, nău kan jêh rnôk nglăp nsum.

N’gor Bình Đinh aƀaơ dôl ndâk njêng ntop kơl cán bộ Gia Lai rnôk hăn pah kan tât n’gor mhe. Ntoh ngơi ta nar pah kan, wa Nguyễn Xuân Thắng đă 2 n’gor tĭng ntĭm đă bah Bộ Chính trị mpeh ƀư Đại hội Đảng ăp gưl rƀŏng tât Đại hội 14; njrăng, ndâk njêng văn kiên Đại hội an tĭng đah nău hun hao jŏ jong. Nău tâm pă nuĭh kan gưl ủy, n’gâng kan ƀon lan an đăp mpăn săch di nuĭh, mô an wĭ ăp cán bộ gĭt blău, dŭt n’hâm n’hanh lĕ geh âk nău rgop tâm rnôk pah kan.