Ôi lơ 2/6, ta ntŭk kan Kruanh, Kruanh dak Lương Cường-Kruanh Hội đồng neh dak ndrel rnă njrăng ƀư tơm nar rƀŭn tal 6 Hội đồng neh dak ndrel rnă njrăng năm kan 2021-2026. Ntoh măt Hội đồng, Kruanh dak Lương Cường rđau Hội đồng neh dak ndrel rnă njrăng rgum ƀư ân săk tam nau ntrŭnh Trung ương 8 gưl XIII mpeh nau kan mât neh dak tâm rnôk mhe, tŏng dơi nau đă mât nâp đăp mpăn, ƀư tơm neh ntu, đăp mpăn neh dak bah nkuăl neh, mât đăp mpăn neh dak, mât đăp mpăn nau rêh, ntrŭt dăng nau tâm rnglăp lam ntur neh ăp ntil, jru, săk tam.

Kruanh dak Lương Cường lah rjăp, tâm rơh tât, ân lŏ mât tâm dăch, uănh rjăp, nchrăp lor, mĭn, mbơh ƀư nau kan tâm lam ntur neh, tâm dak, ngăn lah ăp nau kan hôm ntoh luh, geh tât nau dơi bah neh dak, rnă njrăng, tâm nchră bah Việt Nam gay năn mbơh nchră ma Đảng, Ngih dak ăp nau ntrŭnh, nau rklaih, mô ân ndrât ndal tâm ăp nau tât./.