Tât rnôk aơ n’gor Kon Tum lĕ ƀư lôch nău kan nchrăp an rơh thi tốt nghiệp THPT geh ƀư bâh lơ 25-27/6 tay. Rơh thi tốt nghiệp THPT năm aơ n’gor Kon Tum geh rlău 5.300 kon hoc tât râng. Lam n’gor geh pă dăp 14 ntŭk thi đah 244 jrô thi n’hanh 28 jrô kâp. Rlău ma nĕ, n’gâng kan ntĭm nti n’hanh n’gâng kan ta ntŭk lĕ pă dăp tay 9 ntŭk thi nchrăp lor gay ma an thi lah geh nău tât ndal. Gay ma mât đăp mpăn an rơh thi tốt nghiệp THPT geh ƀư đăp mpăn, ueh răng dăng, di nău way, n’gor Kon Tum rgum lĕ geh rlău 1.200 cán bộ, công chức, viên chức ƀư thi, tâm nĕ geh cán bộ tât uănh thi bơi tât 630 nuĭh. Wa Y Ngọc, groi kruanh rnâng kan UBND n’gor, kruanh rnâng kan ntĭm leo rơh thi tốt nghiệp THPT năm 2025 n’gor Kon Tum an gĭt, rnâng kan mbra ndrel n’hanh mât dơn nău kan na nê̆ an ăp cán bộ lah an geh nău tih tâm rnôk ƀư tĭng nău kan ta rơh thi.