Ntoh ngơi ta rơh rƀŭn nchră Tổng Bí thư Tô Lâm lah na nê̆, tâm ba năp nơh, mpôl kan Công an nhân dân đah nău leo kan bâh Đảng ủy Công an trung ương geh n’hao tay nău kan hăn lor bôk năp tâm nău ƀư tĭng ăp nău ntrŭnh, trong hăn bâh Đảng, ngăn lah hăn lor bôk năp tâm nău ƀư tĭng Nghị quyết mbrô 18 n’hanh mbơh tơih nău kan n’gâng kan ta ntŭk 2 gâl ndrel đah ntrôl dăng nău pă kan, pă nău dơi kan na nê̆ gay ma an gâl ntŭk kan ba dâng. Mpeh trong kan, nău kan tâm 6 khay dŭt năm 2025 n’hanh ăp năm let năp tay, đồng chí Tổng Bí thư đă Công an nhân dân an geh  mbrôn soan ƀư dơi ăp nkô̆ mpŏng trong kan bâh Đảng, ƀư tĭng nău kơl kan, nău kan đah cán bộ geh nău tât, khuch tât yor pă dăp ntŭk kan ngih dak, nchrăp ueh an ăp nău kan gay ma leo ƀư dơi Đại hội Đảng bộ Công an trung ương tal 8, mât đăp mpăn Văn kiện Đại hội ngăn lah chông rdo sol ang trong kan mât đăp mpăn rnă njrăng, rdâk njêng mpôl kan Công an nhân dân an tâm di đah nău ŭch, trong kan ta rơh cách mạng mhe, an tâm di đah nău knơm, nău ŭch rŏng ma Đảng, ngih dak n’hanh ƀon lan ntêm an mpôl kan Công an nhân dân.