Báo chí Việt Nam: Kan jăp, mĭn kan mhe, têh dăng, rgâl mhe.
Thứ sáu, 08:43, 20/06/2025
Nuĭh rblang: Thị Đoắt

VOV.Mnông: Lơ 19/6, ta Hà Nội lĕ ntơm pơk Hội báo lam dak năm 2025 đah bôk nău Báo chí Việt Nam - Kan jăp, mĭn kan mhe, têh dăng, rgâl mhe yor nău kan rdâk njêng n’hanh mât Ngih dak”.

Hội Báo geh ƀư di ta rơh kahgĭt 100 năm Nar Báo chí cách mạng Việt Nam (21/6/1925 – 21/6/2025). Aơ lah rơh gay ma ryơk rnê ăp nău tâm rgop, ăp nău dơi bâh báo chí, bâh nĕ lah na nê̆ nău kan hăn lor, dơn kan bâh ăp nuĭh nchih báo, gay ma khân păng geh gĭt tay đah nău ŭch rong, nâp joat ta trong hăn lĕ geh săch, nĕ lah nău kan kơl an ƀon lan, kơl an neh dak. Lôch rơh ntơm pơk lĕ geh ƀư ăp nău pah kan tâm mâp ntoh lư, geh âk nău tât râng bâh ƀon lan n’hanh ăp nuĭh nchih báo. Ngăn lah, năm aơ Hội Nhà báo Việt Nam geh tay ăp rơh tâm mâp báo chí lam dak geh 12 rơh tâm nchră, đah âk nkô̆ nău na nê̆, ndrel đah ăp nău mât uănh bôk năp bâh báo chí Việt Nam.
Viết bình luận