Phường Pleiku dơi n’gor Gia Lai săch gay rlong pơk dŏng bah 25/6 tĭng gưl nău kan mhe tâm trong n’gâng kan ƀon lan 2 gưl. Aơ lah nău bôk năp gay n’gor mbơh ƀư rĭng tât 76 xă, phừơng hôm ƀa ƀă bah 1/7. Văn phòng UBND n’gor Gia Lai dơi jao nchrăp lor tâm rgop đah Văn phòng UBND n’gor Bình Định gay ƀư tĭng pơk dŏng ta phường Pleiku.

Ăp n’gâng kan tâm rgop ntop kơl kỹ thuật, geh: ƀư tài khoản, pă nău dơi uănh joi, nkra rgâl samƀŭt samtra rplay samƀut ký mrô, rgum joi n’hanh rgâl ăp trong phần mềm chuyên ngành, gay đăp mpăn nău soih luh na nao n’hanh tâm ban rĭng tâm nău kan công vụ. Nchrăp, jêh lvang rlong pơk dŏng ta phường Pleiku, UBND n’gor Gia Lai mbra uănh lah n’hanh rhoăt nău blău ơm lĕ rngôch, ƀư nkô̆ nău gay rgâl nkra, jêh lor rnôk ƀư na nê̆ ta lĕ rngôch ăp xă phường tâm n’gor.