N’gor Lâm Đồng aƀaơ geh 7 rmôt dŏng mpeh wăng sa- rêh jêng n’hanh rlău nău nchrăp, tâm nĕ tơm prăk ngih dak geh rlău 32 rbăn rmen prăk, rlău nău ngluh mbơh. groi Thủ tướng kơp  dơn, rnê âk nău nsrôih bâh ta ntŭk tâm nău kan vơt kơl, vơt nuĭh rmanh, kơl an ƀon lan geh nău khuch tât tă mih sial, nkre lah đă n’gor an geh n’hao tay nău dơi, mât đăp mpăn bư lôch ăp nkô̆ mpŏng hun hao. Nău kan tơm khlăy lah mât nâp “nău hun hao nsrôih” tâm nău pah kan tuch tăm tăch ndơ an dak bah dih, ntrôl ngăch ăp nău kan tơm khlăy, ngăn lah ăp trong hăn têh, gay ma ntrôl pă prăk ntuh kơl nsum. Di rơh aơ, groi Thủ tưóng râng rơh ntơm ƀư nău kan rdâk njêng ngih jay mhe an 4 rnăk ƀon lan geh rlâm lĕ rngôch ta xã D’ran n’hanh pă ndơ an ăp rnăk geh nău khuch khat âk yor mih dak buk hô.