Thủ tướng đă ăp n’gâng kan ăp ntŭk kan an geh n’hao nău mĭn “Nău ntrŭnh đă bâh play nuih”, nsrôih an ƀư lôch nău kan geh rdâk njêng, nkra mhe ngih jay gŭ, pă dăp tay ntŭk gŭ an lĕ rngôch rnăk ƀon lan geh ngih rlâm, dak rdu yor mih sial ta năp lơ 31/1/2026. Ntoh ngơi lôch rơh rƀŭn nchră, Thủ tướng rnê ăp nău nsrôih bâh ăp gưl kan, n’gâng kan ntŭk kan tâm 11 khay bôk năm, lah na nê̆ ăp nău geh khlăy dơi geh bâh lĕ trong kan. Chính phủ nkoch ăp nău jêr jŏt kơl an đah ăp ntŭk geh nău khuch khat tă mih sial dak buk, kơp dơn nău nsrôih tâm pêt tâm kơl tâm rŏng bâh lĕ ntŭk rêh jêng n’hanh rgŏ jă “nău kan Quang Trung” rgum lĕ nuĭh kan gay ma ndâk nsơm nău tât tă mih sial, mât đăp mpăn an ăp nuĭh ƀon lan geh ngih jay gŭ, vơt Tết Nguyên đán Bính Ngọ 2026 đăp mpăn hơm răm.