Kruanh dak mpơl nău rhơn ta năp nău tât râng bâh ăp nghệ nhân n’hanh lah na nê̆ Đảng, ngih dak way geh mât kơl, nta nău dơh nơih gay ma mât rbăy n’hanh hun hao ƀon pah kan. Kruanh dak lah na nê̆ nău khlăy bâh nău ntrôl ntĭm nti nău kan, mbơh tơih nău kan an nuĭh pah kan mom ta nkual njônh ngai, nkre lah mât kơl nău rêh ndơ dŏng, nău mĭn an ƀon lan pah kan. Kruanh dak đă n’hao nău kan bâh ăp ntŭk kan, mpôl kan, ntŭk ƀư nău kan tâm nău tâm rgop, rdâk njêng nău kan nâp nâl. Ăp n’gâng kan ntŭk kan geh tât geh đă ntrôl dăng nău mĭn uănh ƀư lôch, kơl kan gay ma ntrôl an hun hao ƀon pah kan, mât đăp mpăn nău ueh văn hóa way ơm ndrel đah hun hao wăng sa.