Rơh tâm nchră lah na nê̆, Lâm Đồng lah n’gor leo bôk năp mpeh tuch tăm dŏng công nghệ mhe bâh lam dak, đah âk nău ntơ ntoh lư mpeh ndơ tăm geh rnoh khlăy geh kơp dơn tâm dak n’hanh lam ntur neh. Ndrel đah nĕ, n’gâng kan pâl nđaih lĕ jêng n’gâng kan wăng sa tơm bâh ta ntuk. Âk nău tâm rgop ta rơh tâm nchră lĕ mbơh rblang, ƀư kloh na nê̆ ăp nău mpeh tuch tăm công nghệ mhe ndrel đah pâl nđaih nkual ƀon lan mhe, nău wăng sa tâm pleh n’hanh leo ƀư nău wăng sa ueh nđir lôch nglăp nsum n’gor, geh dŏng công nghệ, rgâl mhe rnoh mbrô n’hanh AI tâm nău hun hao ueh nđir, mât njrăng ndok gay ma ƀư ueh an ndơ tăm nâp nâl...Tĭng nău mbơh bâh groi Giáo sư, Tiến sĩ Ngô Thị Thu Trang, Đại học ngih dak Hà Nội, nău nglăp 3 n’gor Lâm Đồng, Dak Nông, Bình Thuận jêng n’gor Lâm Đồng mhe, lĕ nta nău dơh nơih gay ma ntrôl hun hao wăng sa nâp nâl.