Kêng măng 9/6, ta Jay Quốc hội, Kruanh Quốc hội Trần Thanh Mẫn hŏ ƀư tơm Rơh hop tâl pe bah Ủy ban trong nchrăp rgâl nkra, kơi ntop du đêt nkô̆ bah Hiến pháp năm 2013. Kruanh Quốc hội rnê âk Chính phủ, Ủy ban Trung ương Mặt trận Tổ quốc Việt Nam, Bộ Tư pháp, Bộ Công an tâm bah ri aơ nơh hŏ lor nchrăp n’gluh an ƀư, tâm pă nău dơn kan, ntĭm nti ăp nhih pah kan, mpôl kan ƀư dŭt n’hâm geh nău dơi sŏk nău rgop, rgum nchih nău rgop ƀon lan di rnoh ngăch ndơ̆ luh.

Ăp nhih pah kan thông tấn, báo chí hŏ geh dŭt âk nău nchih nkoch kloh mpeh nô nău sŏk nău rgop n’hanh an nău rgop bah ăp rơh kơn ƀon lan mpeh Nghị quyết. Lôch rgum nchih, hŏ geh rlău 280 rkeh tơ̆ nău rgop bah nhih pah kan, mpôl kan, ăp nuĭh mpeh lĕ rngôch ăp nkô̆, điều khoản tâm trong nchrăp Nghị quyết; tâm nê, rĭng geh rnoh âk ŭch lah 99,75%, nău dja lah ndơ an  saơ dŭt kloh an trong nchrăp di bah Đảng n’hanh Quốc hội n’hanh mpơl nău tâm ban ŭch, dơn ngoăy âk đah “Nău Đảng, nuih n’hâm ƀon lan". Kruanh Quốc hội dăn đă, lôch rơh hop, ăp nhih pah kan ndăn ƀư wat jêh hồ sơ trong nchrăp Nghị quyết hao rblang dăn Quốc hội uănh an dŏng an dŭt ơm, nsrôih lah nar 16/6 gay tŏng geh rnoh ngăch jăch ndăn bah nău dăp rgum, glêh tam nuĭh kan n’hanh tĭng ƀư n’gâng kan 2 gưl./.