Kêng măng 26/6, ta Nhih pah kan kruanh dak, Kruanh dak Lương Cường hŏ geh rơh pah kan đah Văn phòng Kruanh dak mpeh lôch  jêh tĭng ƀư nău dơn kan khay 6 n’hanh an ƀư nău kan rgum tơm khay 7/2025. Kruanh dak nchih nkah, rnê rhơn Văn phòng Kruanh dak hŏ nsŏng kơl, rblang dăn kruanh rđău kan Ngih dak n’glêh an nkhôm rnê năn ngăch an ăp mpôl, ăp nuĭh gay mpư rnê ta ăp nar têh khlay; nkhôm rnê rhŏ dŏng nău dăp rgum, glêh tam nuĭh kan  lam trong kan chính trị, tĭng ƀư n’gâng kan 2 gưl.

Mpeh trong rƀŏng, dơn kan tâm let năp tay, Kruanh dak njrăng đă, bah meng ăp trong dơh soih, nchroh mbra ntoh tay âk jêr jŏt, ntul rlong tât leo ƀư n’gâng kan mhe đŏng, rnoh nău kan têh âk; Văn phòng Kruanh dak ân ntik n’hao lĕ nuih n’hâm nchrăp lor, ngăch ngăr tâm nău rdâk njêng bôk nău kan; nkre nsrôih rƀah gĭt nău lư, gŭ mĭn n’hanh kan nsum, nchrăp ngăch nsŏng kơl ăp nkô̆ grêt dăch ngăn ngăn, geh tâng jru, đăp mpăn rnoh ngăch n’hanh săk blău nău kan rhŏ dŏng an kruanh rđău kan Đảng, Ngih dak.