Nar 7/7, ta Nhih pah kan Trung ương Đảng, Tổng Bí thư Tô Lâm, Kruanh Ban rđău đă Trung ương mpeh njrăng, n’gang sa khâm, mpŭng lir tih djơh hŏ ƀư tơm rơh hop tâl 28.  6 khay aơ, pah kan njrăng, n’gang mpŭng lir dơi rđău đă ntrôl dăng, nkre đah mbluh soih tơm ndơ, rhŏ dŏng hun hao wăng sa- rêh jêng kon nuĭh. Chính phủ, ăp n’gâng kan, ăp n’gor hŏ rgum rđău đă ra uănh tay, droh rklaih jêr jŏt, kŏ kol, nkra ăp trong nchrăp, ntŭk ƀư mbrơi, nchiăng khan ntoch jong, geh nău dơi đêt.

Ăp nhih pah kan dơi kan hŏ rgum ôp uănh, treng nđôi, nkra dŭt bah ăp ăp tih sa khâm, mpŭng lir, tih djơh jru. Lôch hăn ôp uănh, kơp nđăp hŏ dăn đă sŏk mplơ̆, rmal prăk rlău 9.500 rmen prăk n’hanh 600 ha neh; ndơ̆ nhih pah kan ôp uănh 28 tơ̆ nău tih. Tâm let năp tay, pah kan njrăng, n’gang sa khâm mpŭng lir dơi an ƀư tay lhăt, geh nău tam lơn đŏng, ƀư wat jêh ăp nău dơn kan tĭng bôk nău kan năm 2025 n’hanh ăp nău n’glôch jêh bah Tổng Bí thư Tô Lâm. Rơh hop tâm ban ŭch ndơ̆ 4 nău tih n’hanh 2 nău kan lăp tâm săk Ban rđău đă groi nđôi đŏng.