Kêng măng ntri (11/8), UBND n’gor Dak Lak ƀư rơh pah kan đah Sở Tài chính n’hanh ăp n’gâng kan ta ntŭk gay droh rklaih jêr jŏt mpeh prăk dŏng ƀư, ntrôl ngăch tĭng ƀư Nghị định 178 n’hanh 67. Aơ lah ntơm nchrăp khlay gay đăp mpăn wat jêh nkra an ăp nuĭh bah năp nar ton n’glĕ dŭt 31/8 tĭng n’glôch jêh 183 bah Bộ Chính trị. Tât aƀaơ, Dak Lak hŏ ndơ̆ an 709/2.608 nuĭh dơi sa tĭng Nghị định 178, đah lĕ rngôch prăk dŏng rlău 704 rmen prăk. Rnoh hôm ƀa ƀă 1.899 nuĭh, ân geh rlău 2.164 rmen prăk gay trok tâm.

 Sở Tài chính n’gor Dak Lak an gĭt tơm ndơ hŏ dơi Trung ương kơi ntop geh nău ŭch tât rlău 626 rmen prăk, ngân sách n’gor tâm pă 195 rmen prăk, hôm mô tŏng rlău 1.343 rmen prăk dôl dăn đă Trung ương kơi ntop an tay. Wa Hồ Thị Nguyên Thảo, Groi Kruanh Rnâng kan UBND n’gor Dak Lak đă ăp n’gâng kan ta n’gor, ăp n’gâng kan tâm dâng ra uănh tay, kơi ntop hồ sơ, đăp mpăn uănh năl di tay n’hanh rgum năn ngăch gay Bộ Tài chính kơi ntop tơm prăk, trok tâm ăp tŏng an cán bộ, công chức, viên chức n’hanh nuĭh kan di tĭng quy định.