Kêng măng 11/8, tâm rnôk hăn pah kan ta Gia Lai, Kruanh Ban Tuyên giáo n’hanh Dân vận Trung ương Nguyễn Trọng Nghĩa hŏ geh rơh pah kan đah Ban Chỉ huy Tahen n’har bri n’gor Gia Lai. Tâm bah ri aơ nơh, Tahen n’har bri Gia Lai hŏ wat jêh nău dăp rgum ƀư tĭng di quy định, tĭng ƀư jăp pah kan biên chế n’hanh tĭng ƀư jăp nău dơn kan dơi jao.

Ta rơh pah kan, wa Nguyễn Trọng Nghĩa rnê âk ăp nău dơi ma mpôl tahen hŏ ƀư geh; dăn đăn lam mpôl tahen nsum suan, du nuih n’hâm, nsrôih dơi; ƀư jăp tay nău dơn kan mât rnă njrăng, ƀư tơm n’har bri, mât kơn ntŭk gŭ rêh đăp mpăn; ntik n’hao rup gui “Tahen wa Hồ”, krêp dêh ngăn đah ƀon lan, lơn lah ƀon  lan nkual n’har bri; lor nchrăp nsŏng kơl ngăch an gưl ủy, n’gâng kan ta ntŭk; rdâk njêng ntŭk nsing nâp njrăng n’gang neh dak nkre đah rnă njrăng n’hanh n’har bri; nkre đăp mpăn ƀư jăp pah kan tâm boh dak bah dih, nkra geh nău tam ăp nkô̆ nău rnă njrăng mô ơm geh, tâm nê geh nuĭh tih rloh rlău n’har bri n’hanh nuĭh tih ta dak lêng.