Ôi lơ 11/8, ta Ngih kan Quốc hội, Uỷ ban Rnâng kan Quốc hội ntơm rƀŭn tal 48. Nchrăp, tâm 3 nar pah kan, rơh rƀŭn mra uănh, rgop nau đah 17 nkô̆ ndrel du đê̆ nau njrăng rdâng. Âk ngăn nkô̆ nau aơ mra geh mbơh Quốc hội tâm rơh rƀŭn tal 10, rơh rƀŭn dŭt năm kan, lôch 5 năm ƀư nau kan ndrel pơk trong ân nau kan bah năm kan guql 16. Nchrăp, Chính phủ mra mbơh rlau 90 nkô̆ nau tâm rơh rƀŭn tal 10. Ntoh nau tâm nar rƀŭn, Kruanh Quốc hội Trần Thanh Mẫn lah rjăp, rơh rƀŭn aơ geh nau khay ngăn gay rgop đă ndrel uănh nchră luh tâm roah rƀŭn tal 10 lah rơh rƀŭn dăch dŭt bah gưl 15.

Tâm rơh rƀŭn tal 10 mra geh lôch năm kan Quốc hội năm kan 2021-2026, uănh ăp nkô̆ nau kan nchrăp ân nar săch kan Quốc hội lơ 6/1/2026. Êp nê, Uỷ ban Rnâng kan Quốc hội kŏ tâm nchră ndrel rgop nau: nau kan, ntrong kơl an ntuh kơl ndâk trong tach ndeh mpăr lam ntur neh Gia Bình; ntrŭnh rnoh rmôt kan Kiểm toán Ngih dak tâm nkuăl tâm Kiểm toán Ngih dak...uănh nau mbơh nau kan ƀon lan đă bah Quốc hội khay 7 năm 2025./.