Nthoi tay ăp nău kan tâm trong hăn khâl gưl Ngih dak tât Hàn Quốc, kêng măng nar 11/8, ta thủ đô Seoul, Tổng Bí thư Tô Lâm hŏ geh rơh ôp srĭng nău đah Thủ tướng Hàn Quốc Kim Min Seok. Ta rơh ôp srĭng nău, Tổng Bí thư Tô Lâm lah rjăp Việt Nam way uănh khlay tâm boh đah Hàn Quốc n’hanh ŭch ndrel Hàn Quốc ƀư jru hvi lơn đŏng tâm boh têh jong lam lĕ rngôch Việt Nam - Hàn Quốc. 

Tổng Bí thư Tô Lâm dăn đă bar ding nsrôih njêng nău tâm nkrêp lhăt, jŏ jong đah bar dak; rhơn rnê bar ding hŏ ký ton njong tay nar siƀŭt nchih nkah mpeh an nuĭh kan dak bah dih đah Việt Nam n’hanh Hàn Quốc; n’hao dăng tâm boh ntĭm nti, dăn đă Hàn Quốc ntop kơl ntĭm nti tơm nuĭh kan săk blău âk kơt bán dẫn, ndeh điện, công nghệ sinh học, công nghiệp pâng duk mpan, trí tuệ nhân tạo. Thủ tướng Kim Min Seok lah rjăp mbra uănh khlay tâm boh tay đah Việt Nam n’hao dăng ntĭm nti tơm nuĭh kan  săk blău âk rhŏ dŏng an nău hun hao wăng sa bar dak let năp tay.