Nkhêp geh râng Tâm nchră gưl têh BRICS pơk hvi n’hanh tĭng ƀư ăp nău kan bar ding ta Brazil, Thủ tướng Phạm Minh Chính hŏ wơt kruanh công ty Granja Fujikura – ntŭk tuch tăm công nghệ mhe ta Brazil mpeh lam trong kan Granja Fujikura bah Nhật Bản. Thủ tướng Phạm Minh Chính an gĭt, Việt Nam dôl ntrŭt ntrôl tăch rgâl, ntuh kơl đah Brazil, jêng dŭt rhơn rnê ăp tập đoàn, doanh nghiệp Brazil ntrŭt ntrôl tâm boh dja hun hao.

Thủ tướng mpŏng ăp doanh nghiệp geh nău tam ntrôl ngăch Việt Nam ký ton FTA đah Mpôl MERCOSUR n’hanh Hiệp định jêr jŏt mât nkrum ntuh kơl. Nkre ŭch rŏng Công ty buăt nthoi tay ăp doanh nghiệp Việt Nam đah ăp doanh nghiệp Brazil. Thủ tướng lah rjăp, nău Công ty Fujikura Quail Genetics tâm boh đah Công ty Trọng Khôi nsĭt tay nău geh an lĕ bar ding yor Công ty Trọng Khôi geh nău dăng âk mpeh gen n’hanh mbra ƀư jêng công nghiệp n’gâng kan mât rong, tâm let năp tay, 2 doanh nghiệp mbra geh tăch âk ta lĕ bar dak, nsĭt tay âk nău geh lơn.