Lơ 25/6, 68 xă, phường mhe ta n’gor Dak Lak ntơm pơk dŏng ntrong ƀư n’gâng kan ƀon lan 2 gưl ta gưl xă. Mông nar pah kan rjăp, ndăn n’hanh geh săk rnglăy bôk năp tâm mkra samƀŭt hành chính. Nuĭh ƀon lan nsrôih, n’gâng kan nchrăp lor, nchrăp an nar pơk dŏng trong ƀư bah 1/7.

Ta ntŭk kan du mpông phường Ea Kao, nglăp nsum bah xă Ea Kao n’hanh phường Ea Tam, bôl geh âk nuĭh ƀon lan tât ƀư ăp samƀŭt hành chính, trong wơt dơn, mkra samƀŭt rhăch nău pơk dŏng uĕh; ăp samƀŭt dơi mkra ngăch đah nuih n’hâm rhŏ kan blău. Ta phường Thành Nhất mhe, nău rlong pơk ƀư ntrong leo ƀư uĕh đŏng. Nuĭh ƀon lan rhơn rnôk saơ ăp nău rgâl na nê̆ tâm trong rhŏ an n’hanh săk rnglăy mkra nău kan. Ndrel đah nkual ƀon têh Buôn Ma Thuột, ntrong ƀư xă mpeh tâm n’gor dơi rlong ƀư ta ăp nkuăl bah Dak Lak, kơl nuĭh ƀon lan dơh ƀư ăp samƀŭt hành chính.