Ôi 11/6,  Quốc hội khóa XV ntơm lăp tâl 2 rơh hop tâl 9, n’hanh nchrăp ƀư ntơm bah aơ tât lĕ nar 27/6. Ta rơh pah kan ôi nar 11/6, Quốc hội djăt siƀŭt rblang dăn, siƀŭt mbơh uănh  năl di tay gưl bah lơ n’hanh tâm nchră ta rmôt  mpeh du đêt trong nchrăp nghị quyết, trong nchrăp luật, tâm nê geh Đề án dăp rgum nhih pah kan gưl n’gor năm 2025.

Tĭng Đề án, Chính phủ dăn đă 23 trong dăp rgum đah 52 n’gor, nkual ƀon têh, jêng 23 n’gor, nkual ƀon têh mhe, mât kơt ơm 11 đơn vị, n’hao lĕ rngôch lam dak hôm 34 n’gor, nkual ƀon têh. Lĕ rngôch biên chế ăp nhih pah kan, đơn vị gưl n’gor dăp rgum lah rlău 447.000 nuĭh. Ăp đại biểu bôk năp tâm ban ŭch đah ăp trong nchrăp, uănh năl nău rdâk njêng Đề án grêt dăch tĭng nău rđău đă bah Trung ương, tâm di Nghị quyết 60/2025 bah Tâm nchră Trung ương 11, khóa XIII.