Đồng Chí Trương Thị Mai, kruanh rnâng kan leo kan Trung ương râng n’hanh ntoh ngơi ta rơh rƀŭn nchră an lah, nău nchŏng mbrô 32 lĕ uănh năl na nê̆ nău kan khlăy bâh lam dak ta năp măt tâm ban kơt jŏ jong let năp tay gay ma hun hao nâp nâl n’gâng kan mât rong tui kan ta dak he.

Yor nĕ lah he mô geh dơi doh rklaih nău mô an kan aơ rĭ ntil ndơ tui ka tăch ta châu âu mbra geh mât njrăng na nê̆, khuch tât nău geh bâh doanh nghiệp, mbra mô ueh tât nău hun hao nâp nâp bâh n’gâng kan tui ka, tât nău kan bâh 82 rbăn duk ka ndrel đah nău rêh bâh rkeh nuĭh ƀon lan joi tui ka. Bâh nău mĭn aơ, đồng chí Trương Thị Mai đă ăp n’gâng kan, ntŭk kan geh tât tâm ban kơt ăp ntŭk mpơl nău nsrôih âk gay ma doh rklaih nău mât njrăng mô an kan tâm năm 2024 aơ.