Ôi lơ 23/4, tâm rnôk rƀŭn nchră nău rêh rgô̆ năp ASEAN ta Hà Nội, Thủ tướng Chính phủ Phạm Minh Chính lĕ wơt Kruanh n’gâng kan tâm rnglăp nchră nău Indonesia Retno Marsudi, dôl khâl na nê̆ Việt Nam.

Thủ tướng Chính phủ Phạm Minh Chính rnê Kruanh N’gâng kan tâm rnglăp nchră nău Retno Marsudi khâl Việt Nam n’hanh ndrel ƀư tơm rơh rƀŭn tal 5 Ủy ban Kan ndrel ăp ding Việt Nam-Indonesia; uănh lah prêh nău rgop khlay bah Kruanh n’gâng kan an lôch uĕh bah Rƀŭn nchră nău rêh rgŏ năp ASEAN, rgop rgâl hao trong uănh ASEAN tât năm 2045 mpeh ndâk njêng nsum mpôl ASEAN hao êng, nâp nâl n’hanh mât uĕh ƀư ta n’gul ăp nău nkhual. Thủ tướng Chính phủ Phạm Minh Chính n’hanh Kruanh N’gâng kan Indnesia Retno Marsudi tâm ban ŭch ntrôl dăng kan ndrel gay ơm ndơ̆ tâm boh kan ndrel têh hvi 2 dak hao prêh mhe; mbơh ƀư săk rnglăy ăp trong kan ndrel ăp ding, ăp tâm ton gưl prêh, ăp sam ƀŭt lĕ ký ton; ƀư ăp nău kan geh nkô̆ gay nkah gĭt 70 năm ndâk njêng tâm boh tâm rnglăp ta năm 2025.