Ôi 24/4, Thủ tướng Chính phủ Phạm Minh Chính, Kruanh Ủy ban gưl neh dak mpeh rgâl  mbrô ƀư tơm rơh hop tâl 8 bah Ủy ban gưl neh dak mpeh rgâl mbrô (Ủy ban).

Lah ta rơh hop, Thủ tướng Phạm Minh Chính lah rjăp, năm 2024 - năm đăt ndal tĭng ƀư trong nchrăp hun hao wăng sa rêh jêng kon nuĭh 5 năm 2021-2025, tâm nê rgum ntrŭt ntrôl hun hao n’hanh dăp rgum jâng wăng sa; ntrôl dăng rgâl mbrô gưl neh  dak; hun hao Chính phủ mbrô, wăng sa mbrô, rêh jêng mbrô, ƀon lan mbrô; uănh khlay tâm 03 đăt ndal têh jong, trong tĭng, tơm nuĭh kan, lơn lah tơm nuĭh kan săk blău âk, tâm nê rgum tơm lah nuĭh kan rhŏ dŏng rgâl mbrô; buăt nthoi ntung trong, tâm nê geh ndơ dŏng mbrô. Thủ tướng lah rjăp, rgâl mbrô lah du nău dơn kan rgum tơm, rêng đăt ndal tâm nău tĭng ƀư ăp rnoh tât hun hao wăng sa rêh jêng kon nuĭh. Ta rơh hop dja, Thủ tướng đă ăp đại biểu rgum tâm nchră ŭanh năl nô nău an ƀư  pah kan rgâl mbrô neh dak đah rgum tơm lah hun hao wăng sa mbrô, ăp nău dơi hŏ geh, nchiăng khan, mpăng đêt, ăp trong nkra rgum tơm gay tĭng ƀư dŭt uĕh nău dơn kan rhŏ dŏng hŏ dơi ndơ̆ luh ta trong nchrăp kan năm 2024 bah Uỷ ban gưl neh dak mpeh rgâl mbrô./.