Ôi 14/4, Thủ tướng Chính phủ Phạm Minh Chính râng ƀư nkah gĭt 50 năm Nar way ơm rmôt Cảnh sát Cơ động n’hanh wơt dơn Rnê nkhôm Anh hùng lực lượng vũ trang nhân dân. Ntoh ngơi ta nar ƀư, ndơn măt kruanh Đảng, Ngih dak, Thủ tướng Phạm Minh Chính rnê rhơn ăp nău geh, n’hâm soan blău ngăn bah ăp rơh kơn cán bộ, tahen rmôt Cảnh sát cơ động tâm 50 năm bah năp.

Thủ tướng đă rmôt công an nhân dân lah êng, rmôt Cảnh sát cơ động lah êng tâm ăp nu nău an mât uănh rjăp, đăp mpăn nău rđău lĕ rngôch, na nê̆ mpeh ăp ntil bah Đảng ma djôt bôk lah Tổng Bí thư Nguyễn Phú Trọng, nău rđău bah Kruanh dak, nău tâm ban ŭch mât uănh ngih dak bah Chính phủ, Thủ tướng Chính phủ; nău ntĭm rđău, mât uănh na nê̆ bah Kruanh N’gâng kan Công an. an uănh khlay tr0ong kan ndâk njêng Đảng; n’hao nău dơi ntĭm rđău, soan tâm lơh bah rmôt đảng, đảng viên; nsrôih ndâk njêng rmôt Cảnh sát cơ động ngăn ngên kloh uĕh, nâp dăng, chính quy, tinh nghuệ, rƀŏng tât hao mhe.