Tâm trôm rƀŭn nchră nău rêh rgŏ năp ASEAN 2024, Thủ tướng Lào Sonexay Siphandone, dak Kruanh ASEAN 2024 ndrel ƀư tơm tâm nchră đah doanh nghiệp ăp dak ASEAN n’hanh ăp nuĭh kan ndrel.

Tâm nchră đah bôk nău “Nsum mpôl doanh nghiệp ASEAN hăn ndrel, hao êng n’hanh nâp nâl: Gĭt tât nău geh tâm rnôk mrô”.

Ta tâm nchră, kruanh ăp doanh nghiệp ASEAN, kruanh ASEAN n’hanh ăp nuĭh kan ndrel tâm nchră mpeh nău mpeh nău geh tât, ntŭl rlong ta kan ndrel wăng sa mrô bah ASEAN; trong mkra ntrôl tâm boh kan ndrel đah ASEAN n’hanh nuĭh kan ndrel tâm hun hao wăng sa mrô; ntrŭt đă jêng trong sinh thái wăng sa mrô ASEAN; đă n’gluh an tâm hun hao tăch rgâl điện tử ta ASEAN aƀaơ; ntrôl hun hao trong pă an bán dẫn ta nkual ASEAN. Ndrel đah nĕ ăp đại biểu tâm nchră mpeh nău kơt dŏng nău mĭn njêng mhe (AI) tâm mât uănh doanh nghiệp n’hanh dăn đă kan ndrel đah ăp dak ASEAN; rgâl mrô tâm nău kan thông tin; kan ndrel ndâk njêng nuĭh kan mrô uĕh nâp; rgâl ntŭk ntô ntuh kơl gay wăch rgum ntuh kơl công nghệ mhe...