Nthoi tay rơh  hop tâl 32, ôi 22/4, ta Jay Quốc hội, ta nâm nău ƀư tơm bah kruanh Quốc hội Vương Đình Huệ, Uỷ ban Thường vụ Quốc hội an nău rgop mpeh trong nchrăp Luật dăp rgum nkual ƀon têh n’hanh dăp rgum ƀon lan.

Tâm nchră ta rơh hop, Ủy ban TVQH dăn đă dăp rgum  nkual ƀon têh ân uănh trong uănh tâm di, geh trong uănh jong, uănh khlay nău way ntŭk tăch rgâl n’hanh nău way hun hao jŏ jong; sŏk kon  nuĭh n’hanh săk geh nău rêh ƀư ntŭk rgum tơm, văn hóa n’hanh rsang rnglăy nkual ƀon  têh ƀư jâng nsing hun hao; đăp mpăn rƀŏng krêp dêh đah  nkual ƀon têh n’hanh nkual ƀon lan gŭ, tâm di đah ngăn ngăn geh nău tâm breh đah nkual ƀon têh n’hanh nkual tâm ƀon lan. Kruanh Quốc hội Vương Đình Huệ njrăng đă, ân ra ŭanh tay ăp tŏng gay ƀư kloh, nkra nău tâm boh đah nkual ƀon têh n’hanh rdâk njêng ƀon  lan mhe; tâm  boh đah jêng nkual ƀon têh n’hanh hun hao nkual ƀon têh; dăp rgum bên di đah rgâl trôk nar. Kruanh Quốc hội lah rjăp ân gŭ mĭn nkra ăp  nău kŏ kol ngăn geh n’hanh rnoh nsing geh khlay tâm dăp rgum nkual ƀon têh, dăp rgum ƀon lan, tâm  ban kơt rgâl dăp rgum mhâm ƀư an di kơt ơm./.