Chos Atiso sâu tâu siêz đuô blêx, poz cưk

Niêv tix Hạng Thị Sung, nhoz jok Suối Hồ, xã Sa Pả, huyện Sa Pa (Lào Cai) piêr: No zos jiês tiv 6 chuôz zis txiêr blôngx atiso hâur chiv chos shông no. Jiês txiêr no, têx jâuv zuôr tâu muôx 7 tấn blôngx. Đros gri muôs nhiv no, chuôz zis zuôr sâu tâu muôx 15 triệu đêiv ntâu txix txiêr blôngx.

Tix lâus Thox A Từ li chuôz zis chos Atiso txix shông 2011, txos nhiv no, iz shông tix lâus chuôz zis chos muôx 3000 ntâu yiv ndis zav tsoz chos no. Xav txix thâuv chos actiso txix hli 10 shông 2017, txos nhiv no, tix lâus chuôz zis tưz sâu 6 jiês blôngx. Iz jiês txiêr blôngx muôs trâu công ty, tix lâus chuôz zis tâu muôx 10 triệu đêiv ntâu. “Xav tas nro nhiêx muôs pax thiêz kok, yưv cxuô zav, iz shông chuôz zis sâu tâu muôx 70 triệu đêiv txix chos Actiso. Zos pir đros chos poz cưk, chos blêx mak 1 ha actiso sâu tâu siêz đuô 6 jiês pir li blêx thiêz 10 jiês pir đros poz cưk”. Tix lâus Từ njuôk xav li.

Khov chos actiso mak tix lâus Từ oz niêv txir tưz uô tâu luz tsêr lox jông. Tix lâus Từ hêik, tsuôk xav ntông uô tsêr tưz tas muôx 300 triệu đêiv. Tix lâus Từ tuk tix lâus cux chos 3.000 yiv ndis actiso. Đró sphênhv sâu iz shông 70 triệu đêiv tưz paz tix lâus chuôz zis hla đhâu cêr pluôs thiêz paz trâu tu zus 4 tuk mê nhuôs cơưv ntơưr cxix cxuô.

Cux xưk li tix lâus Từ thiêz tix lâus Cáng chuôz zis, ntơưv xã Sa Pả, muôx yênhx puô ziv chuôz zis chos actiso. Viv li, txos chêix sâu, Sa Pả xưk li txos hnuz hôiv txiêr blôngx tưz paz trâu chor nênhs nhoz no hla đhâu cêr pluôs thiêz uô bluô nux.

Đrâuv xã Sa Pả, tsoz actiso tâu chiê chos ntơưv iz cxiê xã txơưr đuô nhoz Sa Pa thiêz Bắc Hà (Lào Cai). Nhiv no oz tiv phaz no muôx zuôr xar 200 ziv chuôz zis chos actiso, đros thax tsavxar muôx 100 ha. Iz ha actiso mak sâu tâu 300 triệu đêiv, yưx tas cxuô zav mak sâu tâu liv muôx 150 triệu đêiv, siêz đuô lok six ntâu pir li chos blêx thiêz poz cưk.

Tsoz actiso tâu chos ntơưv Lào Cai txix shông 2000 thiêz ntu huôv tsar tiv zix zos txix shông 2010 txos nhiv no. Pox nhuos chos tâu mak tâu Công ty Cổ phần Traphaco sâu zuôr, viv li pox nhuôs muôx tâu phênhv sâu truôx.

Zav tsoz chos no tsênhv paz trâu ntâu pêx xênhv nhoz Lào Cai cxuôv yêiz thiv pluôs thiêz uô bluô nux.

Nhạc ngắn

Phênhv “Nôngx mênhx zuôr tsuv pâuz” hnuz no tsuôk xâuk li no xưz. Mav njiz đuô tsôngv pox nhuôs sơưr đơưk trâu phênhv no tsaz yênhx tov kaz./.

(Lik Thox cxêik nhênhv)