Sir jos huôv tsar bảo hiểm xar hôiv txưv zênhv ntơưv Mường Ảng (Điện Biên)

             Jiês yax mông huôv tsar bảo hiểm xar hôiv txưv zênhv zuôr ntơưv xar Ẳng Tở, huyện Mường Ảng, tỉnh Điện Biên zos Bảo hiểm xar hôiv huyện Mường Ảng tsưr tsix. Chor nênhs tâu yax kriê zos zos canr bôv tôv ngaz tuk jêx jok sâuv thax tsav xar. Chor canr bôv bảo hiểm xar hôiv tưz hêik kriê trâu tsôngv px pâuz tsênhz lok bảo hiểm xar hôiv txưv zênhv têx muôx liv. Iz chas hêik pâuz lok têx tsênhv chêi paz, tsưr ziv thêv têx nhiêx thiêz têx qênhx liv nênhs zuôr bảo hiểm tưz txêik jênhv tâu têx kror liv txix bảo hiểm xar hôiv txưv zênhv phênhv phêiz kênh, paz trâu sơưr đơưk pâuz tsênhz đuô thiêz sir jos zuôr zav bảo hiểm no.

           Niêv tix Lò Thị Toan, canr bôv ngaz tuk jok Tọ Cuông, xar Ẳng Tở, huyện Mường Ảng hêik pâuz: Nhiv no xar muôx 42 lênhx canr bôv ngaz tuk tâu jênhv phênhv nhiêx paz yênhx hli. Suôv câuv jiês yax mông, chôngz lênhx nênhs tưz cir ntơưr zuôr bảo hiểm ciês ntơưv qơư, thiêz cir ntơưr đros chinhr quyền ntơưv qơư, Bảo hiểm xar hôiv chiê côngv thôngx pâuz tsênhz lok têx muôx liv txưv zênhv zuôr bảo hiểm xar hôiv: “Đhâu thâuv mnôngs yax kriê lok bảo hiểm xar hôiv, muôx liv trâu cxuô lênhx nênhs, hâur iz ntu ntêr. Cur cux tsênhv xar zuôr bảo hiểm xã hội, tsik tas ntâu luôx tưs, tâu sơưv nhiêx hli hâur ntu  so lâul”.

           Jiês yax mông huôv tsar bảo hiểm xar hôiv trâu canr bôv ngaz tuk jêx jok yiêz nhiv kruôr zos iz hâur ntâu hâux lưv tâu Bảo hiểm xar hôiv huyện Mường Ảng sik côngv đros chinhr quyền chor xar tsưr tsix sâuv thax tsav hâur ntu đhâu.

           Zơưv Lò Văn Nương, Phưv Chủ tịch Ủy ban xar Ẳng Tở puz pâuz: xar muôx 14 jêx jok, 6.800 ntâu lênhx nênhs. Chiê kriz uô tâu jông têx tsênhv chêi bảo hiểm xar hôiv, bảo hiểm y têr, chinhr quyền thax tsav qơư thiêz cơ quan bảo hiểm tưz tsik so tsưr tsix cxuô jiês cơưv,  yax kriê huv đros trâu yênhx lênhx nênhs: “Nhiv no sâuv thax tsav xar Ẳng Tở hâux lưv uô lơưr tsênhv chêi bảo hiểm y têr tax tâu 100% chor nênhs zuôr bảo hiểm y têr. Ntu zuôr txos, pêz zuôr tror yax kriê, kriz uô đêz đar txos cxuô jêx jok lok tsênhv chêi bảo hiểm xar hôiv, bảo hiểm y têr li kror muôx liv chiê chor nênhs zuôr bảo hiểm xar hôiv txưv zênhv cov ziv hnuz ziv muôx chôngz lênhx”.

           Đros muôx ntâu tsưr ziv uô jông, txos nhiv no chor nênhs zuôr bảo hiểm xar hôiv, bảo hiểm y têr sâuv thax tsav huyện Mường Ảng tưz muôx 50.000 ntâu lênhx nênhs, ndê 4% ntâu pir li shông uô ntêx. Hâur co, zuôr bảo hiểm xar hôiv tsuv zuôr zos 2.000 ntâu lênhx nênhs, zuôr bảo hiểm xar hôiv txưv zênhv xar 1.000 lênhx nênhs; đuô li chor zos zuôr bảo hiểm y têr ziv chuôz zis.

           Niêv tix Nguyễn Thị Hường, canr bôv Bảo hiểm xar hôiv huyện Mường Ảng puz pâuz, yênhx cxênhz lox tôngv ntơưv qơư muk uô nox đêz nhiv no yênhx hli cux muôx tâu phênhv sâu tâu truôx, taz sik chôngz lênhx nênhs tsik tâu zuôr bảo hiểm xar hôiv txưv zênhv. No chênhr zos jiês yax kriê cxuô lênhx sđ chiê txưv zênhv zuôr bảo hiểm xã hội: “Pêz tưz sik côngv đros chor canr bôv bưu điện, canr bôv vênhx huôv xar nhoz têx qơư sâu chiê yax kriê txos trâu pêx xênhv pâuz lok tsênhv chêi bảo hiểm xar hôiv, bảo hiểm y têr chiê paz trâu pêx xênhv pâuz tâu lok têx tsênhv chêi bảo hiểm xar hôiv txưv zênhv cux li bảo hiểm y têr ziv chuôz zis. Chor ziv chuôz zis pluôs tâu paz thêv 30%, tov kaz no tâu sơưv nhiêx hli so lâul. Thâuv tâu sơưv nhiêx hli so lâul zuôr tâu sơưv 95% ntơưr bảo hiểm y têr thâuv njuôk kho moz”.

            Zơưv Lù Văn Lưu, Phưv Giám đốc Bảo hiểm xar hôiv huyện Mường Ảng cux puz pâuz: “Têx phiv li huyện Mường Ảng njiz trâus zos chor hluôk nênhs muk uô nox đêz lok six chôngz. Chiê yax kriê tâu trâu chor nênhs no cux tsik zôngx ziv. Sâuv thax tsav, phênhv ntâu zos têx chuôz zis tsuôk yuôr chor nênhs lâul thiêz nhuôv zâu thiêx nhoz hâur tsêr. Viv li, pêz tsuv kriz uô ntâu tsưr ziv chiê yax kriê tâu trâu chor nênhs no tiv zix zos hâur chor hli muôx nas lox thâuv lơưr lok nhoz so hâur tsêr lok sik hâur chor hli kaz shông so tsiêz, têx hnuz so ntênhk. Thâuv co zuôr sik côngv chiê yax kriê trâu chor nênhs muk uô nox đêz tsêr no”.

           Cux lơưr zơưv Lưu, zos huyện pluôs, 90% dân sôr zos tsôngv box mênhx cxưx tsơưs nênhs, viv li chiê huôv tsar tâu chor nênhs zuôr bảo hiểm xar hôiv txưv zênhv, bảo hiểm y têr ziv chuôz zis cux njiz tsik tsơưs têx phiv liv. Đros co, thị trấn Mường Ảng thiêz 2 xar Ẳng Nưa, Búng Lao tưz tax tâu jêx jok yiêz, viv li pêx xênhv tsik tâu sơưv têx phênhv paz txix tsênhv chêi bảo hiểm y têr./.

Vũ Lợi-Lik Thox cxêik nhênhv

Tsar jok pok tsuv zuôr ntơưr BHXH?

              Trơưk li Chei BHXH cui tinhv nhiv kruôr tâu Côx hôiv thôngz đhâu, tsar jok zos iz hâur têx lênhx nênhs tsuv zuôr BHXH.

         Tsênhv tsênhz, Nghị định sôr 33 shông 2023 cui tinhv, têx lênhx nênhs uô hâux lưv tsi chuyên trách hâur jêx jok, tsik  lês uô đhâu 3 luôs hâux lưv (zos Bí thư chi bộ, tsar jok, tsar Ban côngz xưv Mặt trận) tâu sơưv phênhv nhiêx paz hâur yênhx hli.

           Li ntơư, txix hnuz xiêz 01/7/2025 tâu uô trơưk Chei BHXH 2024, tsar jok zuôr zos lênhx nênhs tsuv tâu zuôr BHXH lơưr chei têz qơưk cui tinhv.

            Ntơưv yôngx 2, Grê 4, Chei BHXH 2024 muôx cui tinhv lok têx chei BHXH li heik sâuv. Đros trâu têx li heik co, thâuv zuôr BHXH, tsar jok tâu sơưv têx tsênhv chei paz li đrav kaz: Muôx moz gênhk, xênhz zus nhuôs, so lâul, thâuv tas siv nênhx, bảo hiểm trâus moz trâus saz viv uô hâux lưv trâus...lơưr Chei truôx tuk, vêv xênhz lox tôngv 2015 cui tinhv.

            Ntơưv yôngx 1, Grê 31, Chei BHXH 2024 cui tinhv lok sâuv thêv nhiêx BHXH. Trơưk li chei no, têx nhiêx hli thêv BHXH tâu cui tinhv li đrav kaz:

Nênhs lox tôngv muôx nhiêx hli zos têz qơưk cui tinhv mak nhiêx hli zos qơư khov chiê thêv BHXH zos nhiêx hli trơưk li hâux lưv tâu choz lês uô, nhiêx paz trơưk shông uô hâux lưv (zos muôx).

          Nênhs lox tôngv muôx nhiêx hli zos nênhs sir zôngv lox tôngv quyết định mak nhiêx hli uô qơư khov chiê thêv BHXH zos nhiêx hli, têx nhiêx muôz txơưr đuô tâu seiz lax thôngx ziv muôz tsi so thiêz truôx tuk lơưr cui tinhv....

Nhạc cắt

           Chei BHXH tsênhv cxaz nzir têx lênhx nênhs tsuv zuôr BHXH, hâur co muôx tsưr chuôz zis uô lax luôv zuôr muôs huv đas cir uô lax luôv lơưr Chính phủ cui tinhv; lênhx nênhs seiz car doanh nghiệp, qênhz yuôx viên, lênhx hlôngr njêx muôs phênhv pênhr têz qơưk, pênhr doanh nghiệp trơưk li chei têz qơưk cui tinhv; lênhx nênhs nhoz hâur Hội đồng quản trị, Tổng giám đốc, Giám đốc, lênhx nênhs nhoz hâur Ban kiểm soát lok sik kiểm soát viên thiêz iz cxiê lênhx lês uô hâux lưv txơưr đuô tâu HTX, Liên HTX bâux xeir lơưr Chei HTX cui tinhv muôx nhiêx hli./.

Thu Thùy-Riê Lâux cxeik, nhênhv