Tsưr ziv chos tâuz tưs njuôz chiv ntux tsâus

Chiê chos tâuz tưs huv zos kỹ thuật, tsơưr lươngv siêz, hâur tsaz yênhx hnuz no pêz xa trâu pox nhuôs sơưr đơưk mnôngs kỹ thuật chos tâuz tưs chiv ntux tsâus.

1. Chêix chos:

Tâuz zos zav nhiêv sor, tiv zix zos thâuv tơưs pax mak tsuv muôx qiv hơưv sor thiêx zuôr txi txir. Viv li chiv ntux tsâus chos tâu ziv nzor mak ziv jông. Pox nhuôs tsuv chos nôngz txix xiêz 1 txos 15/10, tiv zix zos chos tâu trâu hâur hli 10.

2. Nôngz:

Nhiv no sâuv ciêz đrôngs muôx ntâu zav nôngz tâuz tưs tsơưr lươngv siêz, jông tâu chôngz nênhs nhiêv chos li viện tsoz chos kôngz krâur thiêz tsoz chos zav nox li nôngz tâuz tưs njuôz sôr 1, tâu tưs njuôz sôr 2.

3. Tu têx zuz tâuz:

- Pox nhuôs tsuv zôngv têx ntâuz nxêik đuz chiê thêir yar ntux, lok sik zôngv tax thêir vor ntux nas trâu têx zuz tâuz

- Tsik so zưs đêx, taz sik tsik zưs ntâu uô trâu chor nôngz tơưv sâuv bông ar.

- Zôngv qir lân tor shơư đêx chiê zưs trâu chor zuz tâuz

- Jông đuô mak 4-5 hnuz pox nhuôs zưs iz jiês txix cuô yuôx validacin lok sik Anvil zuôr paz tir tar caz hmoz ruôr hiêv txos têx zuz tâuz.

- Thâuv chor zuz tâuz hlar txix 1,5 txos 2 đêiv blôngx chox muk chos mak jông tiv zix.

Zos uô tsik tâu tâu têx ar têz chos mak tsuv cxaz nzir tsơưr pưr trâu chor zuz tâuz txix lân tor shơư đêx zưs trâu chor zuz tâuz.

- Uô ntêx zuôr chox muk chos 1-2 hnuz tsuv tsuôs yuôx phax tar caz hmoz ruôr hiêv đros cuô yuôx Validacin chiê phax tar caz hmoz.

4. Tsưr ziv uô ar chos:

- Tsuv xêir ar têz chos cov siêz, đêx zôngx ziv ntưk tâu thiêz cxênhv tâu muk.

5. Tso qir uô ntêx chos:

Ziv muôx ntâu qir guôx lok zos têx qir zôngx ziv lưx zuôv uô ntêx thâuv zuôr chos mak ziv jông. Iz sào tsuv zuôv uô ntêx: 3-4 puô cir qir guôx lok sik 10-12 cir qir vi sinh Azotobacterin; 15-20 cir lân; 2-3 cir đạm.

Pox nhuôs tsuv trâu nzir 15-20 cir hmôngr jêz siz chiê phax tar caz hmoz ruôr hiêv thiêz paz uô trâu tơưr chor tâuz tơưr đuô, paz por vêv tâu tâuz ntêr đuô.

- Viv chas tâuz hlar đar viv li tsuv trâu chor qir iz ndis hâur pâuk tâuz. Uô ntêx thâuv zuôr chos mak tsuv muôz iz chor ar tso uô ntêx mav li chos. Tsik chos ciês chor zuz tâuz co trâu hâur chor qir.

6. Tsưr ziv chos tâuz trâu têx ar liêx:

- Thâuv trâu têx qir uô ntêx tas, pox nhuôs chos tâuz trơưk oz hax siz kuôk iz đok ntâu, tsoz kuôk tsoz muôx iz đok ntâu txos zuôr xar oz đok, chos cov muôx 320-350 tsoz iz sào ar têz.

- Thâuv chos mak tsuv uô jông chos, tsik chiê chor chas zuz tâuz trâus lor tu.

7. Tu chor tâur hâur ntu nhiv kruôr chos:

- Đhâu chos tas mak tsuv zưs đêx tsik so cov ar nông paz trâu chor chas tâuz huôv tsar gruk tâu têx tsơưr pưr hâur ar, đhâu chos 2-3 hnuz zôngv qir lân tor shơư đêx zưs trâu chor tâuz.

- Uô cov ar nxênhr thiêz chos nzir trâu chor zuz tâuz trâus tuôs.

- Đhâu chos tas zos muôx nas lok mak tsuv uô cov đêx nas ntưk muk sêi thiêz cxênhv sêi trâu têx ar cov chor chas tsik trâus lưx thiêz tsik trâus tuôs./.

                                                                                                           Thanh Thủy-Lik Thox cxêik nhênhv