Têx kror txơưr hâur BHXH zuôr trâus thiêz BHXH txưv zênhv

Lơưr BHXH VN, BHXH zuôr trâus thiêz BHXH txưv zênhv muôx 2 kror txơưr:

Tiv iz zos phênhv tsov lơưr chiê gôngr:

          - Đros BHXH txưv zênhv, gôngr zos 22% xav lơưr phênhv sâu yênhx hli zos nênhs lox tôngv xeir. Phênhv gôngr yênhx hli tâu tsov lơưr chiê gôngr BHXH kis tiv zix bâuv phênhv tsênhv tsênhz zos ziv chuôz zis pluôk nhoz thax tsav nôngx cxênhz thiêz siêz tiv zix bâuv 20 jiês phênhv nhiêx shar cơ sở.

          - Nênhs cxaz chuôz BHXH txưv zênhv tâu têz qơưk paz gôngr nhiêx txiêx. Phênhv paz xav lơưr % sâuv phênhv gôngr BHXH yênhx hli lơưr phênhv tsênhv tsênhz zos ziv chuôz zis pluôk nhoz thax tsav nôngx cxênhz.

          Tsênhz mênhx, phênhv paz txưv bâuv 30% đros nênhs cxaz chuôz BHXH txưv zênhv zos ziv chuôz zis pluôk; bâuv 25% đros nênhs cxaz chuôz BHXH txưv zênhv zos ziv chuôz zis pluôk thiêz bâuv 10% đros têx lênhx nênhs txơưr.

          Đros BHXH zuôr trâus, nênhs lox tôngv thiêz nênhs sir zôngv lox tôngv gôngr bâuv 32% trâu tas nro BHXH, BHYT thiêz bảo hiểm tsi muôx hâux lưv uô. Phênhv gôngr no xav lơưr nênhs lox tôngv li nhiêx shar yênhx hli. Phênhv gôngr siêz tiv zix bâuv 20 jiês nhiêx shar cơ sở.

          Tiv 2 zzos chế độ sơưv

          - Nênhs cxaz chuôz BHXH zuôr trâus tâu sơưv 5 chế độ: moz gênhs, xênhz zus nhuôk; txiêz nanv lox tôngv, moz tiv hâux lưv uô; so lâuk, thâuv tâu tas siv nênhx.

          - Nênhs cxaz chuôz BHXH txưv zênhv tâu sơưv 2 chế độ: zos so lâuk thiêz thâuv tâu tas siv nênhx; tsi muôx chế độ moz gênhs, xênhz zus nhuôk, moz tiv hâux lưv uô, txiêz nanv lox tôngv li nênhs cxaz chuôz BHXH zuôr trâus.

          Thâuv sơưv chế độ so lâuk mak nênhs cxaz chuôz tâu cungz ntơưr BHYT zos Cuiv BHXH gôngr. Niêx shông, nênhs sơưv nhiêx so lâuk tâu hlôngr yiêz nhiêx so lâuk lơưr chỉ số grê sir zôngv.

          Lok hâux lưv sik côngv six hơưv cxaz chuôz BHXH zuôr trâus thiêz BHXH txưv zênhv, BHXH Việt Nam puz pâuz: “Tsov lơưr cui tênhv ntơưv khoản 5, Grê 3 thiêz Khoản 3, Grê 5 Chei BHXH shông 2014, six hơưv gôngr BHXH zos six hơưv tâu xav txix thâuv nênhs lox tôngv qir gôngr BHXH txos thâuv tso tsês tsi gôngr thiêz”.

          - Zos nênhs lox tôngv gôngr BHXH tsi so mak six hơưv gôngr BHXH zos tas nro six hơưv tưz gôngr BHXH.

          - Zos nênhs lox tôngv cê muôx iz ntu gôngr BHXH zuôr trâus, cê muôx iz ntu gôngr BHXH txưv zênhv mak tâu sơưv chế độ so lâuk thiêz chế độ thâuv tâu tas siv nênhx lơưr tas nro six hơưv 2 ntu tưz gôngr BHXH.

          Tsov lơưr têx cui tênhv heik sâuv, BHXH VN puz pâuz: “Thâuv tsôngv box cxaz chuôz BHXH txưv zênhv mak tâu côngv uô cê six hơưv gôngr BHXH zuôr trâus uô ntêx co chiê car chêx chế độ BHXH lơưr cui tênhv./.     

                                                                                                      Thu Thùy-Txâur Vax cxeik nhênhv