Phênhv gôngr bảo hiểm y tế shux xênhz shông cơưv 2023-2024

Iz lênhx shux xênhz thâuv cxaz chuôz BHYT zuôr tâu cungz 01 đeiv BHYT chiê tsov lơưr tâu sơưv BHYT thâuv muk seiz njuôs thiêz kho moz ntơưv têx qơư y tế.

Phênhv gôngr BHYT shux xênhz shông cơưv 2023-2024

Hâur shông cơưv 2023-2024,  shux xênhz li phênhv gôngr BHYT zuôr muôx têx hlôngr yiêz pir đros shông cơưv 2022-2023 viv txix hnuz xiêz 1/7/2023 nhiêx shar tâu hlôngr yiêz ndê txos 1,8 tsov đeiv iz luz hlik. Thâuv co, shux xênhz li phênhv gôngr BHYT hlôngr yiêz li no:

Phênhv gôngr bâuv 4,5% X 1 tsov 800 cxênhz đeiv X 12 luz hlik bâuv 972 cxênhz đeiv iz shông.

Hâur co:

+ Chor nhiêx txiêx tâu têz qơưk paz gôngr BHYT zos 291 cxênhz 400 đeiv iz shông.

+ Chor nhiêx txiêx shux xênhz gôngr BHYT zos 680 cxênhz 400 đeiv iz shông.

Tiv zix, đrâuv hâux lưv têz qơưk paz 30% phênhv gôngr BHYT shux xênhz hâur shông cơưv 2023-2024 njuôs xav muôx cxaz iz cxiê tỉnh, thành phố tror paz cxaz phênhv gôngr BHYT trâu shux xênhz txix tiv phaz li phênhv nhiêx txiêx, viv li chor nhiêx txiêx iz lênhx shux xênhz tsuv gôngr BHYT zuôr tror tâu txu grês.

Shux xênhz li niêv txir cux tâu xeir tsưr ziv gôngr BHYT zos 3 luz hlik, 6 luz hlik lok sik 12 luz hlik chiê huv đros chuôz zis li tsưr ziv zôngv nhiêx txiêx. Tsêr cơưv, qơư mak têx shux xênhz cơưv ntơưr zuôr hlôngr njêx muôs trâu chiz coaz BHXH uô hâux lưv sâu nhiêx BHYT.

Qênhx liv BHYT shux xênhz

Hâur têx shôngk đhâu, hâux lưv krêz uô côngz xưv BHYT shux xênhz gôngr phênhv jông hâur hâux lưv paz tsoz phưz đas jos trâu mê nhuôk jông đuô. Đros phênhv gôngr BHYT shux xênhz kis, lok six ntâu shux xênhz thâuv môngr tsi jông trâus moz gênhs tâu seiz njuôs thiêz kho moz sei. Liv zix txix BHYT zos lok six tsênhv tsênhz:

Têx mê nhuôk shux xênhz tâu zôngv têx jix vuv y tế kỹ thuật siêz, muôz siêz têx lênhx nênhs tâu seiz njuôs thiêz kho jông moz.

Txu grês têx phêv liv lok nhiêx txiêx trâu chuôz zis nênhs cxaz chuôz.

Paz têx shux xênhz muôx luz nênhx txov nhêv tâu tsoz phưz đas jos jông đuô.

Têx mê nhuôk shux xênhz zos nênhs zôngx ziv trâus moz, muôx đas jos tsi jông, khênhr trâus txiêz nanv viv li cxaz chuôz BHYT zos lok six zuôr trâus. Cxaz chuôz BHYT shux xênhz tsênhv tso pov têx mê nhuôk thiêz chuôz zis li txơưx jênhv hâur hâux lưv pheiz kênh têx phêv liv đros côngv thôngx. Txix têx co, iz lênhx uô niêv uô txir tsuv sir jos cxaz chuôz zuôr BHYT trâu zuk mê nhuôk chiê têx mê nhuôk tâu sơưv têx qênhx liv lok tsoz phưz thiêz por vêv đas jos jông tiv zix./.

Thu Thùy-Txâur Vax cxeik nhênhv