Phênhv thêv nhiêx BHYT ziv chuôz zis shông 2024 zos li chas? Lênhx nênhs zuôr BHYT ziv chuôz zis shông 2024 zos lênhx nênhs tưs?

1/ Phênhv thêv nhiêx BHYT ziv chuôz zis shông 2024 zos li chas?

          Lơưr cui tênhv nhiv no, phênhv thêv nhiêx BHYT ziv chuôz zis lơưr yênhx hli shông 2024 tâu cui tênhv zos lênhx tiv iz thêv bâuv 4,5% phênhv nhiêx shar cơ sở; lênhx tiv oz, tiv pêz, tiv plâuz siz lơưr liês thêv bâuv 70%, 60%, 50% phênhv lênhx nênhs xuz thơưx gôngr côngv; txix lênhx nênhs tiv 5 ndê muk thêv bâuv 40% phênhv nênhs xuz thơưx.

          Phênhv nhiêx shar cơ sở nhiv no zos 1 tsov 800 cxênhz/iz luz hlik. Li ntơưv, phênhv thêv BHYT ziv chuôz zis shông 2024:

          - Lênhx nênhs xuz thơưx: 81 cxênhz đeiv iz luz hli; 972 cxênhz đeiv iz shông

          - Lênhx nênhs tiv 2: 56 cxênhz 700 đeiv iz luz hlik; 680 cxênhz 400 đeiv iz shông

          - Lênhx nênhs tiv 3: 48 cxênhz 600 đeiv iz luz hlik; 583 cxênhz 200 đeiv iz shông

          - Lênhx nênhs tiv 4: 40 cxênhz 500 đeiv iz luz hlik; 486 cxênhz đeiv iz shông

          - Lênhx nênhs tiv 5 ndê muk: 32 cxênhz 400 đeiv iz luz hlik; 388 cxênhz 800 đeiv iz shông

          Taz sik, txix hnuz xiêz 1/7/2024 thâuv uô hâux lưv hlôngr yiêz nhiêx shar mak zuôr tso tsês phênhv nhiêx shar cơ sở. Viv li, txix hnuz xiêz 1/7/2024 zuôr heik kriê yiêz lok phênhv thêv BHYT ziv chuôz zis.

2/ Lênhx nênhs zuôr BHYT chuôz zis shông 2024 muôx chor nênhs tưs?

          Tsov lơưr cui tênhv nhiv no, lênhx nênhs zuôr BHYT ziv chuôz zis shông 2024 muôx li đrav kaz:

          - Lênhx nênhs muôx bê hâur chuôz zis đăng ký nhoz uô nênhx (tsi xav têx lênhx nênhs uô lox tôngv thiêz nênhs sir zôngv lox tôngv; nênhs zos chiz coaz BHXH thiêz zos nhiêx txiêx têz qơưk muôz paz; nênhs tâu zênhx hangx têz qơưk paz phênhv nhiêx thêv thiêz nênhs sir zôngv lox tôngv thêv);

          - Têx lênhx nênhs muôx bê hâur iz chuôz zis muôx đăng cir tạm trú;

          - Iz chas co, têx lênhx nênhs đrav kaz no tâu zuôr BHYT lơưr ziv chuôz zis: Co zos lênhx nênhs tu hành thiêz nhoz uô nênhx hâur qơư pov tsir xã hội (tsi xav têx lênhx nênhs tsi tâu zênhx hangx têz qơưk paz thêv nhiêx BHYT).

          3/ Phênhv sơưv BHYT ziv chuôz zis shông 2024 tâu cui tênhv li chas?

          Lơưr cui tênhv nhiv no, phênhv sơưv BHYT ziv chuôz zis hâur shông 2024 zos li đrav kaz:

          - Zos seiz njuôs shuôk moz ntơưv qơư y tế xã mak sơưv phênhv paz zos 100%

          - Zos seiz njuôs shuôk moz trơưk tuyến cui tênhv taz sik nhiêx txiêx seiz njuôs kis đuô 15% phênhv nhiêx shar cơ sở mak tâu sơưv 100%.

          - Phênhv sơưv zos 100% nhiêx thêv seiz njuôs thiêz kho moz thâuv nênhs moz muôx ntu cxaz chuôz BHYT 5 shông tsi so ndê muk thiêz muôx nhiêx txiêx thêv seiz njuôs thiêz kho moz hâur shông lox đuô 6 luz hlik nhiêx shar cơ sở, tsi xav lênhx nênhs chiv chir muk seiz njuôs thiêz kho moz tsi trơưk tuyến cui tênhv.

          - Phênhv sơưv zos 80% zos nhiêx txiêx thêv seiz njuôs thiêz kho moz txix 15% phênhv nhiêx shar cơ sở ndê muk.

          *Tsov cưv: Txix hnuz xiêz 1/7/2024 thâuv uô hâux lưv hlôngr yiêz nhiêx shar mak zuôr tso tsês phênhv nhiêx shar cơ sở. Viv li, txix hnuz xiêz 1/7/2024 njuôs xav zuôr muôx heik kriê yiêz lok phênhv sơưv BHYT ziv chuôz zis./.

(Thu Thùy- Txâur Vax cxeik nhênhv)