Moz vưv thiêz tsưr ziv phax tar moz vưv

Qir tiv uô huôv moz: Têx tsiêx cik tâu moz phênhv ntâu zos đêr (90%), yuôr đuô li mak mir lok zos yưk thiêz iz cxiê zav tsiêx kuk txơưr đuô li: Plik, hma, nak chôngv…..

Ntu uô huôv moz: Six hơưv uô muôx moz hâur lênhx nênhs đros chêr txix 2-8 ciêz, muôx ntêx cux zos 10 hnuz lok sik iz shông ntâu, 2 shông.

Cêr siz cik moz: Moz vưv siz cik tâu đhâu chor tsiêx trâul muôx moz têx kâuz ndâus thiêz đhâu siz tos, siz zêiv, têx grêix trâul to….

Xưv lik kror cxaz thâuv trâul têx tsiêx tov, zêiv, khơưz to: Tsuv muôz ciês xaz phôngx thiêz đêx hur nzuôr. Zos tsi muôx xaz phôngx, muôx têx muôz luz kror cxaz co nzuôr ciês đêx hur ntơưv têx car đêx ntưk, thâuv nzuôr sơưr đơưk tsi tâu muôz luz kror cxaz cxuôv, tsi tâu nhêv nyar tơưv thiêx tsi moz lox. Co zos tsưr ziv chơưv paz xuz thơưx jông đuô hur si chiê phax tar moz vưv, muôx têx muôz plênhr kror cxaz lok sik cồn iod plênhr trâu zos tiêk muôx yuôx. Đhâu ntơư tsuv zênhx max chox lênhx nênhs moz muk qơư y tế chiê tâu heik kriê thiêz kho moz ziv nzor ziv jông.

Thâuv xưv lik têx kror cxaz tiv tsiêx tov, tsôngv box sơưr đơưk tsuv tsưv ziv: Tsi muôz luz kror cxaz co krưr, tsi tâu xơưs; tsi tâu zôngv têx yuôx đrox njuôz krưr; tsi zôngv trox yêz, trox a plênhr trâu kror cxaz; tsi tâu muôz têx yuôx njuôz kho moz vưv.

Têx tsưr ziv phax tir thêir moz vưv:

Chiê bax phax tir thêir moz vưv, Cục y tế dưv phax, Bộ Y tế heik tsôngv pêx xênhv sơưr đơưk tsuv uô jông trơưk têx li đrav kaz:

*Đros thiêz chor tsiêx tu zus:

-Cxax yuôx phax phôngz moz cxix cxuô trâu têx đêr, mir thiêz cxax hâur niêx shông trơưk li ngênhx kho moz tsiêx cxu heik.

-Tsuv muôz đêr thiêz mir cơư, tsi tâu tso lak yar; zos đêr tơưv saz đrâuv tsuv muôz tơưz lôngx kror ndâux.

*Đros thiêz lênhx nênhs:

-Tsi jêk têx đêr thiêz mir

-Lênhx nênhs trâul đêr, mir tov tsuv muk cxax yuôx phax phôngz moz vưv nzor thiêz cxix cxuô lơưr bác sĩ heik kriê. Seiz njuôk shuôs thiêz kho phax tar moz vưv ziv nzor mak ziv jông hâur 72 luz six hơưv đhâu trâul đêr, mir tov tas./.

                                 KT-Riê Lâux cxeik, nhênhv