Zuôr BHYT txưv 5 shông siz lơư liês, tsôngv px thiêx tsik siêk

          Lênhx nênhs zuôr BHYT txưv 5 shông siz lơư liês, ntâu zav muôx liv trâu zuk

Grê 12 nghị định 146 shông 2018, Chính phủ quy tênhv, lênhx nênhs zuôr BHYT txưv 5 shông siz lơư liês, tâu xav zos txưv 5 shông.

Chiê lênhx nênhs moz tâu sơưv BHYT txưv 5 shông siz lơư liês, lênhx nênhs moz co tâu sơưv 100% nhiêx kho njuôk moz.

Zuôr BHYT 5 shông siz lơư liês tror sâu, chor nhiêx chơưv kho moz ntâu đuô 6 luz hlik nhiêx hli (bâuv li 8.940 cxênhz đêiv nhiêx)

          Chor nhiêx kho njuôk moz, zos lênhx nênhs moz muôx BHYT tsuv đros cơ quan BHXH thêv % tâu sơưv zav BHYT co. Pir li BHYT 80%, lênhx nênhs moz tsuv thêv 20% đros BHYT trâu tsêr kho moz.

          Têx muôx liv zuôr BHYT txưv 5 shông siz lơư liês:

          Nghị định 146 shông 2018 ntơưv Chính phủ hêik kriê thêv nhiêx kho njuôk moz.

          Zos lênhx nênhs moz chor nhiêx BHYT đros thêv iz jiês lok sik ntâu jiês kho njuôk moz ntâu đuô 6 luz hlik nhiêx hli mak tsêr kho moz tsuv muôx ntâuz ntơưr sâu lênhx nênhs moz chor nhiêx thêv kho moz chiê hêik cơ quan BHXH xav jênhv đros thêv chor nhiêx kho moz hâur ntơư co.

          Zos lênhx nênhs moz chor nhiêx thêv nzir hâur shông trâu ntơưv cxuô luz tsêr kho moz txơưr lok sik côngv iz luz tsêr kho moz ntâu đuô 6 luz hlik nhiêx hli, lênhx nênhs moz tsuv gra chor ntâuz ntơưr sâu thêv nhiêx kho moz trâu cơ quan BHXH, zos qơư muôz BHYT chiê đros lênhx nênhs moz thêv chor nhiêx kho moz trâu tsêr kho moz hâur shông ntơư.

          Zos lênhx nênhs moz chor nhiêx đros thêv kho moz ntâu đuô 6 luz hlik nhiêx hli, xav txix hnuz xiêz1/1, quiv BHYT tsuv thêv 100% nhiêx kho njuôk moz trâu tsêr kho moz, xav txix lênhx nênhs moz zuôr BHYT txưv 5 shông siz lơư liês, xav txos tas hnuz 31/12 shông ntơư.

Ntơưr xav jênhv tsik côngv đros thêv chor nhiêx kho moz hâur shông ntơư zos cơ quan BHXH muôz trâu lênhx nênhs zuôr BHYT txưv 5 shông siz lơư liês thiêz chor nhiêx co đros thêv hâur shông ntơư ntâu đuô 6 luz hlik nhiêx hli, lênhx nênhs moz tsik đros BHXH thêv chor nhiêx kho moz tax tas shông ntơư./.

                   (Tsu cxêik nhênhv-Thuỳ VOV Tây Bắc)