Moz khâuz thuôk chuôz ndê, tưz uô lênhx nênhs trâus tuôs, phax tar li chak?

           Tsênhv qơư Moz Nhiệt đới, Tsêr kho moz Bạch Mai ntu jê lok no tsik so muôx chôngz chor nênhs moz khâuz thuôk hnhar. Phưv Giáo sư, Tiến sĩ Đỗ Duy Cường, Giám đốc Tsênhv qơư Moz Nhiệt đới, Tsêr khoz moz Bạch Mai puz pâuz, ntu đhâu txêik kho chôngz lênhx nênhs moz hnhar txix thênhv kik yêv tuôx, phênhv ntâu zos trâus moz khâuz thuôk A/H1N1, moz khâuz thuôk A/H3N2 thiêz moz khâuz thuôk B, tsik tâu pov muôx nênhs trâus moz zav moz phiv liv H5N1 (cik txix kêiz ol trâu lênhx nênhs): “Chor nênhs moz khâuz thuôk, hâur co muôx moz khâuz thuôk hov A tsênhv chuôz ndê. Tưz muôx chor nênhs moz khâuz thuôk trâus tuôs. Bôv Y têr tưz muôx chox kriê tsênhv tsênhz, tsuôk zos chor nênhs tâu hêik pâuz thiêx tsuv zôngv yuôx Tamiflu chiê nox kho moz, co zos chor nênhs muôx hnuz nhôngs siêz đuô 65 shông, pox niêv xênhz nhuôv hâur chêr, nhuôv zâu tsik tâu muôx 5 shông, nhân viên y têr, chor nênhs moz têx zav moz txơưr (moz trưx phax, moz lênhs plơưr, moz njưl hnhar, moz siêz, tso jik kaz jiz). Kror sir zôngv chor yuôx tir tar caz moz no tsuv tâu cưk yuôx hêik kriê sir zôngv đhâu ntơưr zuôr yuôx. Zos zôngv ntâu mak zuôr tsik jông, phiv liv txos siêz, trâuv thiêz yuôx tir tar tsik tâu moz. Viv li, pêx xênhv tsik tsuv zuôr yuôx Tamiflu lok nox thâuv tsik tâu muôx cưk yuôx hêik kriê. Chor nênhs muôx jos zos trâus moz khâuz thuôk mak tsuôk tsuv chơưv kho moz hâur 5-7 hnuz xưz jông moz lơưv”.

             Đros qênhx shênhx gri muôs yuôx tsik truôx tuk, ndê gri yuôx thâuv muôx chôngz nênhs zuôr yuôx Tamiflu lok nox chiê kho moz khâuz thuôk A, Bôv Y têr tưz muôx ntâuz ntơưr hêik chor qơư muôs yuôx tsuv uô jông lơưr cui tênhv zuôr muôs yuôx trơưk ntâuz ntơưr, hêik kriê cxix cxuô trâu pêx xênhv pâuz lok sir zôngv yuôx huv zos lơưr bác sĩ hêik kriê. Chor tsêr kho moz tsuv bax cov muôx txâuk yuôx chơưv kho moz khâuz thuôk, tiv zix zos kho moz khâuz thuôk A, tsik chiê muôx yưv tsik txâuk yuôx phưx vưv trâu côngz xưv njuôk, kho moz.

          Lơưr chor nênhs nhênhz chơưv y têr, đros chor nênhs lâul thiêz pox niêv xênhz nhuôv hâur chêr mak chor nhuôv zâu cux zos chor nênhs tsuv tâu por vêv ntâu đuô txix moz khâuz thuôk A. Nriêr pâuz ntơưv têx qơư kho moz puz pov, tưz muôx chor nhuôv zâu trâus yênh tiv trâus moz khâuz thuôk. Tiến sĩ, bác sĩ Ngô Chí Cương, Trưởng Chuyên khoa Truyền nhiễm, Cxiv luôs y têr Medlatec hêik pâuz tsuv cxax yuôx vắc xin phax moz khâuz thuôk yênhx shông, tiv zix zos chor nênhs zôngx ziv trâus cik moz: “Nhiv no, chôngz lênhx nênhs lok six cxơưx tưz tuôx cxax yuôx phax moz khâuz thuôk A viv li uô trâu chor vắc xin muôx tsơưs. Kror jông tiv zix chiê phax tar moz zos cxax yuôx vắc xin, taz sik iz chas co, cux muôx têx tsưr ziv paz phax tar moz xưk li chox đêiv bos kror ndâux thâuv muk trâu têx qơư muôx chôngz nênhs lok sik nhoz jê chor nênhs xav tiêk trâus moz khâuz thuôk, nzuôr têk cov hur si. Uô nênhx nhoz cov muôx đas jos jông, nox hâuk cov txâuk tsơưr pưr, uô thể dục tsik so, pư txâuk đaz ntuz chiê paz muôx jông đas jos chiê tir tar caz moz, phax tar tâu jông moz khâuz thuôk. Thâuv trâus moz uô cuz mak tsuv tuôx trâu têx qơư y têr chiê njuôk shuôk, kho moz. Đros moz khâuz thuôk lơưr chêix, fênhx six mak muôx txos 80% nênhs trâus moz zuôr tưx jông moz, viv li sơưr đơưk cux tsik cxoz cxơưx hênhr”./.

VOV-Lik Thox cxêik nhênhv