Têx uô tâu xuz thơưx hâur kriz uô côngz xưv pox niêv txir nênhx muôx vax huôv siz luôs thiêz đơưk kho pox niêv huyện Hàm Yên thiêz Sơn Dương (Tuyên Quang) li têx vênhv thix

“Uô lơưr pox niêv txir nênhs vax huôv siz luôs thiêz đơưk kho têx vênhv thix trâu pox niêv thiêz nhuôv zâu” nhoz dưv anr 8, Hôiv liên hiệp pox niêv tỉnh Tuyên Quang tưz tsêx trung kriz uô ntơưv 570 jêx jok nhoz 121 xar thax tsav tsôngv box mênhx cxưx tsơưs nênhs sâuv thax tsav tỉnh. Chiê uô tâu jông Dưv anr, cxuô cấp hôiv pox niêv tỉnh Tuyên Quang tưz yênhx lix zuôr xar 340 tsưr ziv tôv yax mông côngv thôngx muôx tas nro txir nênhx thiêz pox niêv đros uô. Txix thâuv muôx tôv yax mông côngv thôngx côngz xưv yax kriê pox niêv txir nênhx vax huôv siz luôs, cxiv tsa tênhv qơư uô nênhx nhoz ngaz tuk trâu pox niêv thiêz nhuôs zâu tâu sir jos uô.

Pos Hoàng Thị Lan Anh, Phưv Chủ tịch Hôiv Liên hiệp pox niêv xar Hùng Đức, huyện Hàm Yên hêik tiêk, cxiv tsa Tôv yax mông côngv thôngx chênhr zos yax kriê, hêik pêx xênhv hlôngr yiêz đuô siêz xar, tsưr ziv uô, paz txo grêk têx siêz xar pôngz kaz hâur chuôz zis thiêz côngv thôngx: “Hâux lưv yênhx lix tôv yax mông côngv thôngx no zuôr paz trâu hâux lưv thôngz xor mông yax kriê trâu hôiv viên thiêz pêx xênhv zuôr pâuz tsênhz đuô lok pox niêv txir nênhx vax huôv siz luôs thiêz phêiz kênhz siz paz cov muôx tâu siz bâus hâur luz nênhx, hâur chuôz zis, paz trâu chuôz zis muôx luz nênhx tsâu sor, shir phaz”.

Nhoz xar Hồng Đức, huyện Hàm Yên, Hôiv Liên hiệp pox niêv tỉnh xêir tsov jok Khuôn Then uô siv tsưr ziv Tôv yax mông côngv thôngx. Tôv muôx 8 lênhx nênhs zos lưx lươngv chênhr uô ntêx hlo thiêz zuôr uô tâu yax kriê hêik sơưr đơư. Niêv tix Vi Thị Xuân-iz lênhx nênhs hâur Tôv yax mông côngv thôngx nhoz hâur jok puz pâuz: “Thôngz đhâu yax kriê paz trâu cur cux pâuz tâu pox niêv txir nênhx muôx vax huôv siz luôs thiêz phax, tar ntâuk tsiv hâur chuôz zis, por vêv chor pox niêv thiêz nhuôv zâu mak ciês cur zuôr yax kriê trâu tas nro pox nhuôs hâur jok cov pâuz tâu lok pox niêv txir nênhx muôx vax huôv siz luôs thiêz por vêv vax huôv trâu chor nhuôv zâu thiêz pox niêv chiê phax tar ntâuk tsiv hâur chuôz zis muôx hâur jêx jok”.

Đrâuv tsưr ziv Tôv yax mông côngv thôngx, cxuô cấp hôiv pox niêv tỉnh Tuyên Quang tsênhv yênhx lix yiêz xar muôx 30 tsưr ziv qơư njênhs njôngr chiê paz hêik kriê, đơưk kho têx kror tsik siz thôngx siêz, paz trâu chor nênhs trâus ntâuk tsiv hâur chuôz zis. Đros co, Hôiv Liên hiệp pox niêv tỉnh Tuyên Quang tưz côngv đros têx tsêr cơưv ntơưr yênhx lix chor câu lạc bôv “Nênhs sơưr thơưx paz uô cov hlôngr yiêz”. No zuôr zos iz kror jông paz trâu chor shux xênhz hâur uô lơưr pox niêv txir nênhx muôx vax huôv siz luôs, paz đơưk kho têx phiv liv trâu chor shux xênhz, thax tsav tsôngv box mênhx cxưx tsơưs nênhs.

Hoàng Thị Khánh Huyền, shux xênhz Tsêr cơưv phôv thôngz mênhx cxưx nội trú ATK huyện Sơn Dương hêik tiêk: Cxaz chuôz xênhz huôx câu lạc bôv, Huyền thiêz têx fôngx zưs tâu sik sêiz lax, uô si, tâu phêiz kênh têx txux chi huv hnuz nhôngs lok pox niêv txir nênhx vax huôv siz luôs. Đuô li zuk tsênhv muôx tâu têx txux chi, tsưr ziv chiê por vêv trâu zuk chiê zuk truôx siêz đuô hâur luz nênhx: “Cxaz chuôz câu lạc bôv paz trâu cur pâuz tâu lok siz zuôr, ntâuk tsiv hâur tsêr cơưv ntơưr thiêz ntâuk tsiv hâur chuôz zis, kriê trâu têx fôngx zưs sơưr đơưk hâur tsêr cơưv ntơưr, hâur chuôz zis pâuz txar jav tâu qênhx shênhx ntâuk tsiv muôx yưv”.

Câu lạc bộ “Nênhs sơưr thơưx paz uô cov hôngr yiêz” zos iz hâur 4 tsưr ziv uô muôx hâur Dưv anr 8 “Kriz uô pox niêv txir nênhx muôx vax huôv siz luôs thiêz đơưk kho têx vênhv thix phiv liv trâu pox niêv thiêz nhuôv zâu”. Cưk kriê ntơưr Lý Hải Vân, Tsêr cơưv phôv thôngz nội trú ATK huyện Sơn Dương puz pâuz: “Zuôr kriê tsưr ziv txux chi trâu chor nênhs hâur câu lạc bôv chiê lơưr pâuz tâu thiêz yax kriê trâu cxuô lênhx shux xênhz hâur tsêr cơưv ntơưr cux li hêik kriê trâu chor nênhs cxênhz jê thiêz têx fôngx zưs đos pâuz, đros co zos lok ntơưv qơư nhoz cux zuôr têx huôx tôngv jông chiê paz trâu côngv thôngx”.

Yênhx lix câu lạc bôv tưz paz trâu shux xênhz mênhx cxưx tsơưs nênhs muôx ntâu tsưr ziv, txux chi jông paz trâu chor shux xênhz hêik tơưv zuk siêz xar, hlôngr yiêz siêz xar, tsưr ziv uô thiêz paz txo grêk têx kror tsik jông, phongx cxưx pôngz kaz nhoz tox siêz. Nhiv no, têx câu lạc bôv no tưz paz uô jông chor tsaz yênhx, tsênhv chêi, đơưk kho têx vênhv thix cik txos chor nhuôs zâu; paz trâu chor cưk kriê ntơưr thiêz niêv txir uô tâu jông hâux lưv kruôz kriê têx tuz nhuôs thiêz phax tar ntâuk tsiv, uô hiêv, zuôr muôs, nziêk đas, siz zuôr nzor nhoz chor nhuôs zâu…/.

VOV4-Lik Thox cxêik nhênhv

Yên Bái chêx chôngk bax qơư nhoz trâu tsôngv box thax tsav trâus ntux nas ruôr hiêv

          Jiês ntux nas chuô số 3 nhiv kruôr đhâu, đrâuv têx trâus ruôr hiêv lok lênhx nênhs, kôngz nuv, zaoz thôngz cxuô zav…xã Tân Phượng, huyện Lục Yên, tỉnh Yên Bái muôx 10 ziv chuôz zis muôx tsêr trâus poz vâu tas hur si, 130 ntâu ziv chuôz zis tsuv ciêr chênhr txar qơư nhoz. Hâur co muôx 50 ziv tsuv tâu bax qơư nhoz yiêz đhâu jiês ntux nas chuô, phênhv ntâu zos nhoz jos Khe Bín.

          Zơưv Triệu Văn Nhơn, Phưv Bí thư thường trực Đảng ủy xã Tân Phượng puz pâuz, txix têx tsênhv tsênhz ntâu ziv chuôz zis tror lok nhoz qơư kuz tsi tâu tiv ntux nas, xã tưz chêx chôngk nriêr thax tsav qơư uô qơư nhoz yiêz lơưr huyện, tỉnh li chox kriê. Nhiv no tiv phaz tưz nriêr tâu 2 qơư chiê uô qơư nhoz yiêz chêx chôngk ntơưv thax tsav tâu njuôs xav uô xã li ciêz đrôngs, qơư tiv 2 zos nhoz buôk jos Khiểng Khun thiêz jos Khe Bín: “Nhiv no pêz tsênhv qir chox têx zav meir lok luôv ar thiêz pheiz yênhx lô, cxok fiêx trâu pox nhuôk. Zos qiv hơưv jông mak hâur hli 10 no zuôr uô tiêr thiêz tuôv zênhv tâu tsôngv box jos Khe Bín li zoz qơưx ar nhoz. Têx jos txơưr mak heik kriê tsôngv box nriêr têx thax tsav qơư taz por, pox nhuôk chiv chir sik seiz lax tâu mak têz qơưk zuôr paz cungz ntâuz ntơưr thiêz hlôngr tsưr ziv sir zôngv ar”.

          Lơưr thôngz sâu, huyện Yên Bình, tiv phaz muôx 1 cxênhz 300 ntâu qơư muôx tox poz ar lơưk, hâur co muôx zuôr xar 360 ziv chuôz zis tsuv ciêr chênhr txar qơư nhoz thiêz ntâu tsêr nhoz trâus poz vâu.

          Chiê nzor ngaz tul luz nênhx trâu tsôngv box, huyện Yên Bình tưz chêx chôngk nriêr qơư nhoz yiêz trâu tsôngv box, txos nhiv no tưz nriêr tâu qơư nhoz rtâu 200 ntâu ziv chuôz zis lơưr tsưr ziv uô shơư uô cê thiêz hlôngr tsưr ziv sir zôngv ar trâu tsôngv box, yuôr chor mak tror tâu krêz uô. Zơưv Nguyễn Xuân Trường, Chủ tịch Ub huyện Yên Bình, tỉnh Yên Bái puz pâuz: “Huyện tưz yênhx lix têx Tuêv côngz xưv đros têx xã, thị rtấn seiz shuôk jông yênhx ziv chuôz zis li têx trâus ruôr hiêv thiêz muôx tsưr ziv bax qơư nhoz trâu yênhx ziv chuôz zis pir li: muôx têx ziv zuôr khưx phưx ciês ntơưv qơư, muôx ziv tsuv txar qơư nhoz yiêz cov taz por đuô. Đrâuv co thix ziv tỉnh uô têx dự án qơư nhoz yiêz trâu tsôngv box, chiê tsôngv box nzor ngaz tul luz nênhx thiêz tsiv uô kôngz nuv”.

          Đros hâux lưv seiz shuôk, bax qơư nhoz trâu tsôngv box, tỉnh Yên bái tưz thiêz tsênhv sir jos paz txưv têx tiv phaz uô têx ntâuz ntơưr lok ar têz.

          Zơưv Trần Ngọc Luận, Giám đốc Sở tài nguyên thiêz tênhx qơư tỉnh Yên Bái puz pâuz, lơưr tỉnh li chox kriê, Sở tưz tso tơuv 2 ntâuz ntơưr heik kriê tsênhz mênhx lok tsưr ziv, hâux lưv uô đros têx thax tsav qơư nhoz yiêz chêx chôngk uô uô cê thiêz ntơưv qơư têx tiv phaz. Thôngx cxix chox kriê têx taz viv cxơưz cxiz, heik kriê, paz txưv lok ntâuz ntơưr li: tsưr ziv sir zôngv ar, hlôngr yiêz tsưr ziv sir zôngv ar; njuôs xav, kho đuô bản đồ, sâu ar, pâux nzir ar, cungz ntơưr côngz jênhv qênhx sir zôngv ar… “Đros têx thax tsav qơư nhoz yiêz chêx chôngk pêz heik mênhx tsuv xeir qơư huv đros phongz qơưx, cêr uô nênhx thiêz jông chiê tsôngv box tsiv uô kôngz nuv. Pêz cux heik kriê xeir zuôr qơư tsov cưv trâu tsôngv box pir li tsêr trâus poz vâu tas nro zos lênhx nênhs xuz thơưx tâu tsov cưv, tsêr nhoz tsi taz por, tsuv txar qơư nhoz zos lênhx nênhs tiv oz tâu tsov cưv. Nhiv no hlôngr tsưr ziv sir zôngv ar đros thax tsav qơư nhoz yiêz chêx chôngk, nhoz siz shơư tưz tâu Hội đồng tỉnh thôngz đhâu hâur jiês khiêz phêv nhiv kruôr đhâu, no zos kror lok six coaz tsôngv chiê tsôngv box nzor muôx qơư nhoz yiêz”

          Đhâu coz nas chuô số 3, tỉnh Yên Bái muôx 1 cxênhz 400 ntâu ziv chuôz zis muôx tsêr trâus poz vâu tas nro, ruôr hiêv hnhar. Chiê nzor ngaz tul luz nênhx trâu tsôngv box, tỉnh Yên Bái tưz tso tơưv chính sách paz txưv đros phênhv paz zos 60 tsov đeiv iz luz tsêr trâus poz vâu tas nro thiêz chuôz zis tsuv txar qơư nhoz yiêz; 30 tsov đeiv iz luz tsêr trâus puôk tsuôx hnhar. Đros co zos hu lơưs, vênhv tôngv têx pênhr jos txơưr chiê paz cxaz trâu tsôngv box.

          Tỉnh Yên Bái li tsưr ziv zos choz qơư nhoz thiêz uô tiêr têx ntâuz ntơưr cik txos ar têz trâu tsôngv box uô ntêx hnuz 30/11, uô tiêr hâux lưv cxiv uô tsêr yiêz trâu tsôngv box lơưr tỉnh li chính sách hnuz 31/12 shông no./.

Thừa Xuân- Txâur Vax cxeik nhênhv