Phax moz zov chênhr đuô kho moz

Niêv lâuk Chảo Thị Say xênhz thiêz hloz lox hâur iz ziv chuôz zis uô liêx têz. Niêx shông, niêv lâuk chuôz zis sir jos uô iz chiv blêx, iz chiv poz cưk sâuv zuôr xar 3 ha liêx tơư ntêir thiêz tu zus buô, keiz ok thiêz chos muôx nhos 5 ha têz txir hơưk, tu zus 10 ntâu tuk nhux tưv, nhux đas.

Seiz pov têx jông txix ntơưv qơư muôx đêx ntâu, jông trâu tu zus njêl, niêv lâuk tưz yưv pênhr khơưz nzir 500 xưv phaz pak đêx huôv tsar zus njêl. Trơưk li niêv lâuk Say, đros thiêz zuôr xar 3 ha liêx chos poz cưk thiêz blêx, iz shông sâu tâu xar 8 tênhr, chor kôngz no niêv lâuk chuôz zis phênhv ntâu tsês chiê tu zus buô thiêz keiz ok.

Niêv lâuk Say cux thav tiêk: Đrav ntêx, nênhs Hmôngz khênhr tu zus buô tso lav, tsi yuô moz siêz txos phax tar caz moz ơưk trâu têx buô, viv li buô tsi yuô khênhr hloz. Yưv pênhr trâu luôs hâux lưv tu zus tsiêx cxu, xuz thơưx niêv lâuk cxiv uô qơư cov siêz mê njik trâu, qêz suô tsi so têx guôx hur si. Hâur guôx thâuv tưs cux muôx 30 ntâu tuk buô lox zâu thiêz sik hlôngr zus li ntơư tsi so, viv li xav kror đruôz đraz iz shông niêv lâuk chuôz zis muôs muôx 2 tênhr buô grêix.

Nhạc cắt

Tu zus buô grêix, niêv lâuk Say tsưr ziv sir zôngv yuôx vắc xin phax tar têx caz moz ơưk txơưx siz cik muôx têx huôv xênhz, siz cik tâu sei thiêz zôngx ziv uô tuôs ntâu tuk; bax tsưr ziv cxax yuôx phax tar caz moz ơưk trâu buô. Qơư tu zus thâuv tưs cux qêz suô hur si, tsuôs yuôx phax tuô, lov caz moz. Iz chas ntơư tsi so muôz yuôx tsuôs tuô, lov têx nak, caz lâuv, zôngr...chiê txo grêk tsơưs caz moz ơưk huôv xênhz.....

Buô grêix thâuv tu zus khênhr trâus moz plaz, moz lok sâuv cêr uô pa. Thâuv buô trâus moz plaz mak muôz tsơưs mê njik têx krâur trâu buô nox thiêz muôz yuôx moz plaz, yuôx phax tar moz trâu buô nox. Zos tiêk buô trâus moz lok sâuv cêr uô pa, tsuv muôz yuôx phax tar moz đo shơư krâur trâu buô nox. Cxax yuôx phax tar moz trâu têx tuk buô mêx njik hnôngk, txos siêr. Phax moz zov chênhr đuô kho moz, thâuv tu zus buô, tsuv taz por vêv xênhz nox hâuk trâu chor buô, tsi zôngv têx krâur, têx zav nox tsi jông, tsuv hlôngr pluôk nox li chas cov huv hâur yênhx ciêz chiê gra siêz buô đas jos phax tir thêir caz moz ơưk, txo grêk tsơưs têx caz moz huôv xênhz.

Nhạc cắt

Iz chas ntơư, niêv lâuk tsênhv tu zus nzir muôx nhos 50-60 tuk keiz ok thiêz 10 ntâu tuk nhux tưv, nhux đas thiêz chos 5 ha ntâu têz txir hơưk, iz shông sâu tâu nhos iz tênhr txir hơưk kruôr. Khov uô jông lơưr têx cui tinhv, tsưr ziv kriê hâur tsêz chos thiêz tu zus tsiêx cxu, niêv lâuk chuôz zis muôx phênhv sâu tâu truôx, luz nênhx iz hnuz tsar ndê jux juk. Niêv lâuk zuôr tâu ntâu zav chuôz zênhx phưx vưv uô nox uô hâuk hâur chuôz zis; iz chas ntơư txoz cxơưx tâu trâu têx mê tuz mê nhuôv muk cơưv ntơưr cxix cxuô.

Hâur niêx shông, xav kror đruôz đraz niêv lâuk li phênhv sâu tâu txix têx li heik sâuv tâu muôx 270 tsov đeiv ntâu. Niêv lâuk Chảo Thị Say tsưr ziv uô nox lok six zôngx ziv: Ntơư zos sir jos cơưv shâuv têx lênhx muôx tsưr ziv huôv tsar uô nox lơưr tsênhv tsênhz hâur zuk chuôz zis lok hâux lưv tu zus tsiêx cxu, tsêz chos kôngz lôngk.

Tsôngv box....! Phênhv " Nôngx mênhx zuôr tsuv pâuz" hnuz no zos Đeix TNVN đros tsênhv qơư cxiz kôngz têz qơưk uô./.

(VOV4-Riê Lâux cxeik, nhênhv)