Lênhx nxêik mênhx cxưx Tày sir zôngv mạng xar hôiv chiê piêr pâuz lok têx vênhx huôv mênhx cxưx

Pos Nguyễn Thị San, zos mênhx cxưx Tày, xênhz zus thiêz hloz lox nhoz thax tsav qơư Nghĩa Đô (huyện Bảo Yên, tỉnh Lào Cai). Pos San piêr tiêk, Nghĩa Đô zos thax tsav qơư muôx txix thâuv nzor lok, qơư muôx tsôngv box mênhx cxưx Tày li têx vênhx huôz jông. Ntơưv no tsênhv jông chiê huôv tsar du lịch côngv thôngx. Hâux lưv piêr pâuz têx hax huv ntơưv thax tsav qơư cux xưk li têx vênhx huôv mênhx cxưx txos trâu sơưr đơưk pâuz zos iz kror lok six tsuv uô, tiv zix zos hâur ntu công nghệ 4.0 xưk li nhiv no.

Đrâuv cxaz chuôz trâu côngz xưv pox niêv hâur jêx jok, khưr uô liêx têz, pos Nguyễn Thị San tsik so tsês six hơưv chiê nriêr pâuz, sâu tsês chiê têx jax then, hu gâux cọi lâul ntơưv Nghĩa Đô. Txos nhiv no, pó tưz sâu tsês tâu muôx 119 jax gâux cọi lâul muôx ntơưv thax tsav qơư thiez xar tiêk zuôr kriê trâu cxênhx hluôk ntu tsik ntêr tov ntêx no chiê chor suôz gâux co tsik trâus pôngz plox. Tiv zix, hâur ntu công  nghệ 4.0 nhiv no, hâux luv piêr pâuz, kruôz kriê têx vênhx huôv cxôngx nzor cxuô mênhx cxưx tưz zôngx ziv đuô lok six ntâu.

Chênhr têx mạng xar hôiv li: Faceboock, Zalo, YouTube, Tik Tok tưz zos yênhx têx kror paz lok six jông hâur txuôk đros, piêr pâuz thiêz tuôr chiê têx tsiv gri vênhx huôv đros trâu huôv tsar du lịch hâur tsôngv box mênhx cxưx Tày. Lơưr TS. Nguyễn Anh Cường-Trưởng khoa Vênhx huôv Mênhx cxưx tsơưs nênhs (Tsêr cơưv Đại học Vênhx huôv Hà Nội), nhiv no đros muôx công nghệ 4.0 tưz paz uô hlôngr yiêz lênhx nênhs li ntâu zav. Thâuv muôx tâu ntâu kror zôngx ziv mak piêr pâuz txos trâu cxuô côngv thôngx nênhs hâur thax tsav thiêz sâuv ntiêx têz zuôr uô tâu zôngx ziv đuô lok six ntâu: “Cux muôx ntâu tsưr ziv chiê tuôr tsês chiê, piêr pâuz taz sik lơưr cur zov chênhr tiv zix cux zos tuôr tsês chiê têx đuôz shav. Đros công nghệ 4.0 nhiv no mak hâux lưv piêr pâuz lok têx tsôngk yo, vênhx huôv mênhx cxưx tâu kriz uô zôngx ziv đuô txix ntâu tsưr ziv sik txơưr. Cux zôngx ziv trâu piêr pâuz txos têx xor mông co. Hok thâuv ntê no xar xa iz đêiv đuôz muk lok xux lok six lax uô, nhiv no mak zôngx ziv đuô lok six ntâu lơưv”.

Chor trang fanpge txix co cux tâu kriz uô lơưr yênhx chuyên đề tsênhv tsênhz li: Fanpage lok hu gâux then, hu gâux cọi, lok sik têx tsôngk yo mênhx cxưx, têx zav nox kaz… Kror co, muôx đros đrêiv hâux lưv piêr pâuz lok têx vênhx huôv, zos tsưr ziv huôv tsar du lịch chiê paz gra siêz tsiv gri di sản, paz thơưz huôv tsar kinh têr.

Lơưr niêv tix Đồng Thị Vân Hà, mênhx cxưx Tày nhoz TP Bắc Kạn (tỉnh Bắc Kạn), nhiv no têx  hax huv cik txos vênhx huôv mênhx cxưx li: mênhx cxưx tsơưs nênhs li têx tsôngk yo, suôz gâux lok sik têx hax huv li hiêz tơưz ziv hnuz ziv tâu piêr pâuz ntâu đuô thôngz đhâu mạng xar hôiv. Iz zav li, Iz chêr tsôngk  yo pir đros hnar têx tsôngk yo trâu sơưr đơưk sêiz lok sik muôz tso trâu hâur têx tsêr tok kruô nhoz so chiê trâu tsôngv kruô sơưr đơưk pâuz txos. Chôngz lênhx hluôk nênhs mênhx cxưx Tày tưz muôz chor hax huv co tso trâu sâuv sàn thương mại điện tử; tso trâu sâuv Faceboock, zalo, Tiktok chiê trâu cxuô lênhx nênhs pâuz txos têx tsôngk yo cxôngx nzor co. Taz sik no cux zos iz kror tsưr ziv lơưr tsênhv piêr pâuz lok tsôngv box Tày têx vênhx huôv thiêz têx hax huv. Niêv tix Đồng Thị Vân Hà puz pâuz: “Nhoz têx đrôngs mak chôngz lênhx nênhs cor cav zuôr hax huv sâuv mạng, cur cux pâu công nghệ, đros chor thành viên sơưr đơưk cxêik đuôz têxhax huv chiê muôz tso trâu sâuv mạng, đros siêz xar tiêk têx hax huv zuk uô tâu tưz tsik zos muôs hâur jêx jok, hâurr tỉnh, hâur têz qơưk xưz, mak tov ntêx no zuôr muôs tâu muk trâu saz đrâuv têz qơưk thiêz”.

Nhiv no, chor mạng xar hôiv huôv tsar muk thôngz ntiêx têz tưz paz trâu hâux lưv no tâu kriz uô muk đêz đar, đros pâuz txos ntâu zav luk, chôngz lênhx hluôk nênhs tưz xêir tsov uô têx trang YouTube đros tsênhv njiêz zos piêr pâuz lok vênhx huôv, du lịch Việt Nam muôx luk Anh đros chiê paz trâu têx fôngx zưs sâuv ntiêx têz zôngx ziv mriêr pâuz, sêiz nhênhz tâu. Ntâu trang tâu kriz uô lok six jông, zos yênhx têx qơư hêik pâuz lok vênhx huôv tâu chor nênhs hâur têz qơưk thiêz saz đrâuv têz qơưk nhiêv sêiz txos./.

(VOV4-Lik Thox cxêik nhênhv-Lưu, in đĩa)