Chor nênhs chos pax nhoz Điện Biên tu jông têx pax chiê muôs trâu tsôngv kruô hâur têx hnuz Tsiêz

            Đhâu ntâu shông chos tsoz chos quất, txir lưk jôngr chiê muôs trâu sơưr đơưk hâur têx hnuz Tsiêz, zơưv Nguyễn Công Phúc ziv chuôz zis, nhoz đôiv 8, xar Thanh Hưng, huyện Điện Biên tưz bax tâu 300 tsoz quất, lưk jôngr chiê muôs.

           Zơưv Phúc puz pâuz: chiê muôx  tâu chor quất, txir lưk jônhgr ndax trâu hâur ntu Tsiêz têz qơưs; hâur 1 shông đhâu chuôz zis tưz tsês ntâu six hơưv tu, txiêr chês chiê muôx tâu chor ntông no jông thiêz txi txir jông gâux. Muôx ntux yar, ntux nas paz max, viv li chor quất thiêz txir lưk jôngr puôr lênhx txi txir jông gâux thiêz tâu chôngz nênhs tuôx zuôr:

            “Chiê huv trâu pox nhuôs siêz nhiêv hâur jiês tsiêz, pêz tưz sir jos tu lok six jông txix ciês thâuv hâur shôngk shông. Uô jông zưs đêx, zuôv qir viv li nhiv no cux tax tâu muôx 90% lơưv, lok six jông gâux, tsuôk tok tơưs pax lơưv xưz. Muôx txir, pax, blôngx lok six jông chiê phưx vưv trâu pox nhuôs sơưr đơưk uô si tsiêz”.

            Iz chas chor chuôz zis chos quất, lưk jôngr, chor nênhs chos txir đuôx xưk li zơưv Đinh Tình nhoz jok Hưng Thịnh, xar Thanh Hưng, huyện Điện Biên ziv chuôz zis cux bax yênhx puô tsoz txir đuôx chiê muôs trâu pox nhuôs hâur têx hnuz tsiêz shông no. Lơưr zơưv Tình, shông no muôx ntux yar, ntux nas paz, viv li chor txir đuôx tơưs pax jông gâux đuô. Gri muôs cux txix oz pêz puô cxênhz txos oz pêz triệu đêiv iz tsoz:

            “Pêz uô jông tu ciês chor txir đuôx txis chêix ntux yiêz uô ntêx chiê muôx tâu pax tơưs trâu shông tov kaz mak pêz tror chos thiêz tsoz phưz đuô cov chor txir đuôx huôv tsar jông. Zuk tu tâu huv zos viv li chor txir đuô jông gâux thiêz tơưs pax ndax ciês trâu jiês tsiêz”.

             Chôngz lênhx nênhs cux tuôx trâu chor qơư no chiê xêir tsov têx tsoz txir quất, txir lưk jôngr thiêz txir đuôx jông trơưk siêz nhiêv chox muk sir zôngv hâur têx hnuz Tsiêz. Zơưv Dương Trung Thực, nhoz thành phố Điện Biên Phủ puz pâuz:

             “Shông no chor ntông huôv tsar lok six jông huv đros trâu jiês Tsiêz. Cur ziv chuôz zis cux tưz xêir tsov tâu 2 tsoz quất thiêz txir lưk jôngr lok six jông gâux, gri muôs cux huv đros”.

               Txix ntâu shông lok no hâux lưv chos pax, têx tsoz chos paz uô jông gâux trâu vax tsêr tưz paz trâu pêx xênhv hâur thax tsav Điện Biên muôx phênhv sâu tâu nhiêx txiêx chox lok cxiv kho chuôz zis, muôx luz nênhx truôx tuk, tsâu sor./.

Vũ Lợi-Lik Thox cxêik nhênhv

Ntâu tsưr ziv phax tar no njiv, yeiz jâuz trâu têx tsiêx cxu nhoz Sơn La

              Hâur têx hnuz ntux no njiv, zơưv Tòng Văn Ơn nhoz jok Hùn, xã Chiềng Cọ, TP Sơn La cux li ntâu chuôz zis hâur jok, tsi so sox seiz njôngr thiêz pâuz nzor ntux têx txơưr txar, chiê bax tsưr ziv phax tar no thiêz yeiz trâu tsiêx tu zus.

             Zơưv Tòng Văn Ơn heik: Ntâu shông tror lok no, chuôz zis tsi muôx tus tsiêx tưs trâul tuôs tiv no thiêz yeiz hlo. Hâur jiês no njiv nor, chuôz zis tror bax xor thêir têx qơư tu zus cov ntov tsi yâu chuô txiêk thiêz bax txâuk jâuz  trâu chuôz zis paz tưv xar muôx 10 tus ntơư nox hâur têx hnuz no njiv hênhr:

            “Chuôz zis muôz ntâuz tax xor thêir cov ntov chiê tsi yâu chuô txiêk, taz por sor si, por hưv đas jos trâu tsiêx. Jâuz mak txiêr car tsơưz, hlêis têx tâux lok đo shơư hmôngr cưk, mê njik njêr trâu nox thiêz cxax yuôx phax phôngz moz ơưk cxix cxuô hur si”.  

            Yuôr tix lâus Điêu Văn Thiêu, nhoz jok Kích Máng, xã Pá Ma Pha Khinh, huyện Quỳnh Nhai mak heik pâuz li no, đhâu thâuv tâu cxuô cấp, ngênhx yax mông, heik kriê, 2, 3 shông lok no tix lâus chuôz zis tưz muôx tsưr ziv tu zus têx tsiêx tâu jông. Hâur shông no, tix lâus chuôz zis tưz cxiv kho qơư tu zus lox đar, chiê têx tsiêx jông ndis muk lol thiêz xor thêir tsi chiê chuô txiêk yâu, nas yiê ntuz, viv li chuôz zis 6 tus nhux thâuv tưs cux muôx đas jos jông, tsi pov trâul tuôs no thiêz yeiz hlo:

               “Chuôz zis  cux zuôr ntâuz tax lok xor thêir iz ndis qơư cơư tsiêx, tsuôs yuôx tuô lov caz moz ơưk tsi so, 2-3 ciêz mak zuôr yuôx chaz lok puz trâu. Thâuv têx hnuz no njiv hênhr mak trâur tơưk trâu ntê, muôz têx khâuz pav kuz lok vor nhux tưv đrâuz kâuv cov sor”.

               Tỉnh Sơn La nhiv no muôx 500 cxênhz ntâu tus nhux tưv, 680 cxênhz ntâu tus buô; tsưx phưv tâu truôx thiêz jông têx tsiêx cxu. Txix ntux li txơưr txar, no njiv ntêr hnuz, ngênhx Kôngz nuv tỉnh Sơn La tưz tso tơưv tsưr ziv thiêz hux jos đros cxuô thax tsav qơư kriê pêx xênhv phax tir thêir no thiêz yeiz trâu têx tsiêx tu zus; hâur co, sir jos uô luôs hâux lưv yax mông, kriê pêx xênhv uô qơư cơư tsiêx, muôz nzir têx yuôx cxaz đas jos, vâuv jâuz kâuz trâu tsiêx nox, têx hnuz no njiv mak tsi tâu tso tsiêx lak yar..... Chênhr viv li, hâur jiês no njiv ntêr hnuz no, Sơn La tsuôk muôx 10 tơưv tus tsiêx trâul tuôs no xưz.

                Zơưv Nguyễn Ngọc Toàn, Giám đốc Chi cục tu zus, kho moz tsiêx cxu thiêz shuôz njêl tỉnh Sơn La heik pâuz:

               “Đhâu luôs hâux lưv chox kriê thiêz phax tar no trâu tsiêx tu zus, pêz ntâuk grê, tsôngv pêx xênhv tox siêz tưz gra siêz tsưr ziv jênhv pâuz, ntâu chuôz zis pêx xênhv tưz bax tsês têx jâuz tâux, krâur trâu tsiêx cxu nox, cxiv uô qơư khor truôx, xor thêir ntov cov tsi yâu chuô txiêk thiêz tsi tas li, pêx xênhv cux cxax yuôx phax phôngz moz ơưk hur si trâu têx tsiêx”.

               Trơưk li njuôk xav, tsênhv zuôr no njiv phiv liv, ntâu suôv qơư pok huôz, lol đâuk tê uô ruôr hiêv txos têx tsiêx tu zus li đas jos, cxuô taz viv muôx vax huôv heik têx chuôz zis tu zus tsuv chênhr phax, sir jos uô lơưr cxuô faz tsưr ziv phax tar no thiêz yeiz trâu têx tsiêx, paz txo grêk tsơưs têx tsi jông, trâul ruôr hiêv, truôx tuk phênhv sâu tâu trâu lênhx nênhs tu zus./.

Trấn Long-Riê Lâux cxeik, nhênhv