Sơn La: Hlôngr yiêz sôr-chiê muôx tâu têx tsiv grê yiêz

             Tix lâus Nguyễn Văn Sơn, tsưr kênh Titok txir ntông sơn Tây Bắc heik pâuz: “Cur thâuv muôz thiêz piêr kriê tâu tsôngv box têx xiv huv kôngz jông mak sơưr đơưk huôv tsar uô tâu hâur thax tsav qơư txos trâu lênhx nênhs sir zôngv, cur lok six jông thiêz shir phaz”.

          Qir têk huôv tsar uô nox txix 2 cxeik têk khôngz, lênhx hluôk nênhs no tưz ziv hnuz ziv muôx nux grik ntâu thâuv piz huôv tsar uô lax luôv zuôr muôs têx kôngz. Tso tsês tsi uô lax luôv li heik sâuv, tix lâus Sơn qir muôv muôs điện tử tâu 2 shông lok no, phiv liv cux njiz trâus, uô pôngz pênhr lok muôx, taz sik tix lâus tưz sir jos hla đhâu têx li heik co, jux juk uô tâu yênhx côngz.

           Chiê uô tâu jông, muôx suôz đror bê, Sơn tưz tsês ntâu six hơưv, hnuz nhôngs, côngz đas jos chiê cơưv shâuv luôs lưv tus têx tsưr ziv uô; cxiv tsa tsưr ziv jông thiêz nzaz nzơưv đoanx hluôk nênhs ntơưv qơư cêr paz max. Đros trâu têx tsưr ziv uô li heik sâuv, txơưx xar tơưv, txos nhiv no, Sơn tưz cxiv uô tâu suôz bê “pax txir tuôz ziz Tây Bắc” sâuv titok thiêz facbook, đros yênhx puô cxênhz lênhx nênhs nhiêv thiêz 30 cxênhz ntâu lênhx sox seiz.

            Tix lâus Nguyễn Văn Sơn, tsưr titok pax txir tuôz ziz Tây Bắc luôs hâux lưv uô tâu yênhx côngz, khov uô trơưk hlôngr yiêz sôr hâur lax luôv tsuôk zos iz hâur lok six ntâu lênhx hluôk nênhs, pêx xênhv nhoz Sơn La tsênhv fuô uô. Lơưr tưz thiêz tsênhv tâu hâu nov ntơưv qơư, ngênhx muôx vax huôv sir jos paz thâuv nhiv no Sơn La 2 cxênhz ntâu xiv huv tưz tâu muôs đhâu sâuv điện tử.

            Zơưv Nguyễn Huy Hoàng, Giám đốc Sở zoz zux tỉnh Sơn La heik pâuz, tso tơưv hâux lưv chênhr kriê txux chi tsưr ziv uô nox trâu hluôk nênhs, ngênhx tưz muôx ntâu tsưr ziv cxơưz cxiz hlôngr yiêz sôr hâur zoz zux, lar heik zos yax mông, kriê cxaz têx tsưr ziv yiêz chiê uô trơưk hâur kriê txux chi. “Têx zov chênhr hâur cxiz uô hlôngr yiêz sôr hâur ngênhx zoz zux zos, gra siêz tâu shux xênhz txux chi, jênhv pâuz, chiê muôx tâu têx lênhx nênhs txơưx njê hâur ntu zuôr txos. Ngênhx tưz tso tơưv têx tsưr ziv, hâux lưv; tsênhv njiêz zov chênhr zos tsuv sir jos kriê cxaz têx tsưr ziv jông trâu canr bôv seiz car, cưk kriê ntơưr, nênhs uô hâux lưv lok hlôngr yiêz sôr; yưv pênhr uô têx côngz trênhx, zuôr chuôz zênhx phưx vưv hlôngr yiêz sôr, hâux lưv tso tơưv zos cxơưz cxiz hlôngr yiêz sôr hâur kriê thiêz cơưv txux chi”.

           Uô lơưr hlôngr yiêz sôr, txos nhiv no, hâu nov cxuô cấp nhoz Sơn La têx luôs hâux lưv chox kriê, seiz car, qênhz yuôx tưz tâu fuô uô sâuv tênhx qơư sôr; hâur co, 100% jiês cơưv tâu tsưr tsix txuôk đros 2 chas thax tsav thiêz sir zôngv qar cơưv tsi muôx ntâuz ntơưr, 90% ntâu ntâuz ntơưr tâu cir sôr, thiêz tso tơưv hâur điện tử. Txix têx uô li heik co, tsôngv pêx xênhv cux jông siêz thiêz tsơưr lươngv côngz dịch vụ tâu gra siêz, 100% têx ntâuz ntơưr uô tâu trơưk li heik sâuv, 81% ntâu ntâuz ntơưr tâu lênhk txeik đhâu mạng xã hội.... Zơưv Hoàng Quốc Khánh, Bí thư Tỉnh ủy, Chủ tịch Ủy ban tỉnh, Tsar ban chox kriê hlôngr yiêz sôr tỉnh Sơn La heik pâuz: “Tas nro cxix luôs chính trị tỉnh Sơn La, tưz thiêz tsênhv lok six sir jos uô hlôngr yiêz sôr hâur thax tsav tỉnh. Chênhr viv li, thâuv qir uô hlôngr yiêz sôr, têx lênhx thơưx seiz car chor cơ quan, taz viv, cxuô cấp tsuv zos têx lênhx uô ntêx nyuôs uô trơưk li heik co. Txix ntơư hlôngr yiêz sơưr đơưk tsưr ziv, siêz xar thiêz hâux lưv uô huv đros hlôngr yiêz sôr”.

             Ntu tỉnh Sơn La hlôngr yiêz sôr fuô uô tsi tâu ntêr, taz sik txix tas nro cxix luôs chính trị têx sir jos, tưz uô tâu jông hâur cxuô luôs hâux lưv zov chênhr li: Hâu nov hlôngr yiêz tsưr ziv lês uô têx hâux lưv, hlôngr yiêz kinh tế, xã hội, jux juk uô tâu jông, ndar txos uô tâu têx hâux lưv yiêz, muôx grik, muôx liv trâu pêx xênhv thiêz doanh nghiệp./.

T.Thủy-Riê Lâux cxeik, nhênhv

Tỉnh Sơn La têx tsưr ziv kriz uô tênhv tênhz hur

              Tiv iz, cxiv tsa, uô tiêr têx tsênhv chêi, tsưr ziv kriz uô.

             - Côngv đros têx bôv, nganhx Trung ương hâur hâux lưv uô tiêr têx chêi chiê kriz uô Tsaz yênhx huôx tôngv lok hlôngr yiêz tênhv tênhz hur, txo grêk têx pa các-bon thiêz pa mê-tan hâur nganhx zoz thôngz vận tải huv đros trâu tsưr ziv huôv tsar sâuv thax tsav tỉnh.

             - Nhênhz chơưv tso trâu hâur tỉnh li tsưr ziv uô Tsaz yênhx huôx tôngv lok hlôngr yiêz tênhv tênhz hur txo grêk tsơưs têx pa các-bon thiêz pa mê-tan hâur nganhx zoz thôngz vận tải chiê muôx tâu thôngx ziv hâur qênhx shênhx kriz uô.

               Tiv oz, hlôngr đuô têx chuôz zênhx sir zôngv tênhv tênhv hur.

            Yax kriê, cxơưz cxiz, paz trâu pêx xênhv thiêz doanh nghiệp hlôngr đuô têx chuôz zênhx, yêz cxaz chuôz zoz thôngz cêr ar, cêr đêx sir sôngv têx năng lượng hur, tênhv hur.

             Tiv pêz, tsêx trung huôv tsar zoz thôngz sir zôngv têx năng lươngv hur.

           - Tsêx trung yưv pênhr huôv tsar zoz thôngz sâuv thax tsav tỉnh Sơn La lơưr saz cxix cxuô, hâur co sir jos uô têx dưv anr zoz thôngz zov chênhr. Kriz uô trâu têx yêz buýt muk lok hâur tas nro thax tsav đrôngs muôx txuôk đros cxuô thax tsav; sir jos huôv tsar zoz thôngz hâur đrôngs, jêx jok lơưr tsưr ziv tso tơưv; đros co zos uô jôngz côngz xưv sêiz car kho đuô têx cêr zoz thôngz.

           - Cxiv tsa, huôv tsar têx qơư cungz tênhv, năng lượng hur lok zos tênhv hur trâu têx chuôz zênhx, yêz cxaz chuôz zoz thôngz, tiv zix zos hâur thax tsav đrôngs.

             - Huôv tsar cxiv luôs zoz thôngz paz hlôngr yiêz đuô têx yêz cxaz chuôz zoz thôngz, qơư sêiz car têx yêz txuôk huv đros trâu têx tsưr ziv thâux xa kruô công côngv txơưr hâur đrôngs.

               Tiv plâuz, gra siêz sir zôngv tênhv hur, txo grêk tsơưs têx pa tsik hur.

            - Tsưr tsix sêiz car, kriz uô tâu jông têx yêz cxaz chuôz zoz thôngz vận tải. kriz uô sêiz car phênhv trox yêz trâu têx yêz cxaz chuôz zoz thôngz cêr ar lơưr Bôv Zoz thôngz Vận tải li cui tênhv, ndar txos txo grêk tsơưs tiv zix têx trox yêz tâu sir zôngv thiêz têx pa tsik hur tâu tso tơưv.

          - Jux juk hlôngr yiêz đuô têx yêz thâux xa kruô công côngv; paz sir jos hlôngr đuô tiz nênhs sir zôngv têx yêz cxaz chuôz zoz thôngz trâu sir zôngv têx yêz công côngv./.

Hồng Việt-Lik Thox cxêik nhênhv